ریال مەدرید لەگەڵ بەرگریکارێک رێکدەکەوێت
یاریگا –
ریال مەدرید لەگەڵ فێرلان مێندی فەرەنسی رێکدەکەوێت و گرێبەستەکەی نوێدەکاتەوە.
رۆژنامەنووسی رۆژنامەی مارکا خۆسێ فێلیکس دیاز بڵاویکردووەتەوە، ریال مەدرید لەگەڵ فێرلان مێندی گەیشتووەتە رێککەوتن و گرێبەستی بەرگریکارەکەی بۆ دوو وەرزی دیکە نوێدەکاتەوە.
بەگوێرەی زانیارییەکانی دیاز، گرێبەستە نوێیەکەی مێندی لەگەڵ ریال مەدرید تا هاوینی 2027 نوێدەکرێتەوە و بژاردەی نوێکردنەوەی بۆ وەرزێکی دیکەشی لەگەڵدا دەبێت.
ℹ️ The details of Ferland Mendy’s new contract:
• Total agreement reached.
• Extended till 2027, with the option for an additional year based on matches played.
• Salary will be determined based on matches played. @jfelixdiaz pic.twitter.com/9c8TJ7pEEq— Madrid Xtra (@MadridXtra) July 25, 2024
مێندی وەرزی رابردوو لەگەڵ یانەکەی ئاستێکی زۆر بەرزی پێشکەشکرد، لە سەرجەم پاڵەوانێتییەکان بەشداری 37 یاریی کرد و بەکۆی گشتی 2.835 خولەک یاریی کرد، ئەمەش بەپێچەوانەی وەرزەکانی پێشووتر بوو، کە بەهۆی پێکان لە زۆرینەی یارییەکان بێبەش دەبوو. هەر بۆیە یانەکەی بڕیاری نوێکردنەوەی گرێبەستەکەی دا.
فێرلانی تەمەن 29 ساڵ لە هاوینی 2019 بەبڕی 48 ملیۆن یۆرۆ لە ئۆلێمپیک لیۆنەوە پەیوەندی بە ریال مەدرید کرد، تا ئێستا 170 یاریی بۆ یانەکەی کردووە، 6 گۆڵی کردووە و 10 گۆڵیشی دروستکردووە.
