چارەنووسی رودیگەر لە ریال مەدرید یەکلاییکرایەوە

یاریگا –

ئانتۆنیۆ رودیگەر، بەرگریکاری ئەڵمانی نایەوێت ریال مەدرید جێبهێڵێت.

لە چەند رۆژی رابردوودا، ناوی رودیگەر بە پەیوەندیکردن بە یانەی ئیتیحادی سعوودی بەسترایەوە، تەنانەت چەند رۆژنامەیەکی سعوودی باسییان لە پێشکەشکردنی ئۆفەرێک بەبڕی 13 ملیۆن یۆرۆ بۆ بەرگریکارە ئەڵمانییەکە کرد.

فابریزیۆ رۆمانۆ، رۆژنامەنووسی دیاری مێرکاتۆی یاریزانان روونیکردووەتەوە، رودیگەر لە ریال مەدرید دەمێنێتەوە

سەرەڕای ئەو راپۆرتانەی باس لە ئۆفەری گەورەی ئیتیحاد دەکەن، رودیگەر تەنانەت بیر لە جێهێشتنی ریال مەدرید لەم هاوینەدا ناکاتەوە. سەرنجی تەواوی لەسەر پڕۆژەی ریال مەدریدە و ئێستا هیچ پلانێکی بۆ پەیوەندیکردن بە یانەیەکی سعوودی نییە. ریال مەدریدیش نایەوێت دەستبەرداری ببێت.

🚨⚪️ Despite reports on huge proposal from Al Ittihad, Toni Rudiger is not even considering to leave Real Madrid this summer.

Full focus on Real Madrid project, no plans to join Saudi Pro League now despite interest.

Feeling mutual as Real consider Rudiger untouchable. pic.twitter.com/9SnLAaocGH

— Fabrizio Romano (@FabrizioRomano) July 25, 2024

تەنیا دوو ساڵ بۆ بەسەرچوونی گرێبەستی رودیگەر لەگەڵ ریال مەدرید ماوە، بەرگریکارە ئەڵمانییەکە لە هاوینی ساڵی 2022 لە چێڵسییەوە پەیوەندی بە ریال مەدرید کرد و وەرزی رابردوو نازناوی چامپیۆنزلیگ و لالیگای بەدەستهێنا.

رودیگەر لە وەرزی رابردوودا 48 یاری کرد، یارمەتی یانە ئیسپانییەکەیدا 22 کلین شیتی هەبێت.