یاریگا –
بەهۆی خەرجی زۆری یانەکە، مانچێستەر یونایتد دەیەوێت زیاتر لە 800 کارمەندی یانەکەی دەربکات.
ماڵپەڕی BBC بڵاویکردووەتەوە، مانچێستەر یونایتد بڕیاریداوە ژمارەی کارمەندانی یانەکە 1112 کارمەندی بۆ نزکەی 250 کارمەند کەمبکاتەوە و نزیکەی 800 کارمەند کارەکانیان لەدەستدەدەن.
گروپی ئینیۆس کە خاوەندارێتی زیاتر لە %25ی پشکەکانی مانچێستەر دەکات، دەستیکردووە بە پێداچوونەوە بە تەواوی خەرجییەکانی یانەکە و هەوڵی کەمکردنەویان دەدات.
سێر جیم راتکیلف دەیەوێت بە کەمکردنەوەی خەرجی لە زۆرینەی بەشاکەنی یانەکە چەند ملیۆن پاوەندێک پاشەکەوت بکات و لە پرۆژەی گەشەپێدانی یانەکە خەرجی بکاتەوە.
بەتایبەت بەهۆی گرێبەستەکانی مێرکاتۆی هاوینە خەرجییەکانی یانەکە زۆر زیادی کردووە، شەیتانە سوورەکان نزیکەی 90 ملیۆن پاوەندیان لە گواستنەوەی جۆشوا زیرکزی هۆڵەندی و لێنی یۆرۆی فەرەنسی خەرجکردووە، لە فرۆشتنی مەیسن گرینوود، ویلی کامبولا و دۆنی ڤان دی بیکیش 31.6 ملیۆن پاوەندیان دەستکەوتووە.
A statement of intent.
✍️ @Leny_Yoro#MUFC pic.twitter.com/7u8UTRm6ST
— Manchester United (@ManUtd) July 19, 2024
لەلایەکی دیکە یانەکە هەوڵ بۆ گواستنەوەی ماتیس دی لیختی هۆڵەندی دەدات، باڤارییەکانیش داوای 50 ملیۆن یۆرۆ دەکەن. مانوێل ئۆرگارتی ئوروگواییش ئامانجێکی دیکەی تێن هاخە، کە نرخی یاریزانەکە لە بۆرسە 45 ملیۆن یۆرۆیە.
هەر بۆیە بۆ دروستکردنی هاوسەنگی لە رێژەی خەرجی یانەکە، سێر جیم راتکیلف و هاوکارانی پەنا بۆ کەمکردنەوەی کارمەندانی یانەکە دەبن.
لەناو یانەکانی پرێمەرلیگ مانچێستەر بە 1112 خاوەن زۆرترین کارمەندە، لیڤەرپوول دووەمە و نزیکەی 1000 کارمەندی هەیە، چێڵسی 788 کارمەند، تۆتنهام 719 کارمەند ئارسیناڵ 649 کارمەند و مانچێستەر سیتی 520 کارمەندیان هەیە.
Final Carrington session before #MUTOUR24 ✔️#MUFC
— Manchester United (@ManUtd) July 23, 2024
