مۆرینیۆ یاریزانێکی مەغریبی بۆ فەنەرباچێ گواستەوە
یاریگا –
چەند خولەکێک لەمەوبەر فەنەرباچێ بە بڵاوکردنەوەی پەیامێک لە تۆڕی کۆمەڵایەتی ئێکس، گواستنەوەی یوسف ئەلنەسیری هێرشبەری مەغریبی راگەیاند.
لەکۆتاییدا دانوستانەکانی نێوان فەنەرباچێ و سێڤیا بۆ یوسف ئەلنەسیری کۆتایی پێهات، ئەستێرە مەغریبیەکەش وەرزی داهاتوو بۆ تیپەکەی خۆزێ مۆرینیۆ یاری دەکات. ئەمڕۆ یانە تورکیەکە بە فەرمی گرێبەستەکەی لەگەڵ هێرشبەرە مەغریبیەکەی سێڤیا واژۆکرد.
😎 Youssef En-Nesyri yola çıktı. pic.twitter.com/r8VW5VYeWE
— Fenerbahçe SK (@Fenerbahce) July 24, 2024
فەنەرباچێ وێنەیەکی نەسیری لەناو فڕۆکەکەدا بڵاوکردەوە و نووسیویەتی: “ئەلنەسیری لە رێگادایە”.
سێڤییا ئۆفەرەکەی بە بڕی 12 ملیۆن یۆرۆی جێگیر قبوڵ کرد و فنەرباچێش تا 9 ملیۆن یۆرۆ دەدات. بە گشتی سێڤیا لە گواستنەوەی ئەلنەسیری 21 ملیۆن داهاتی دەبێت. ئەگەر ئەستێرە مەغریبییەکە زیاتر لە 20 گۆڵ تۆمار بکات و لەگەڵ تیپە نوێیەکەیدا چەندین سەرکەوتن بەدەستبهێنێت لە پاڵەوانێتییەکانی ئەوروپا و خولی تورکیا، ئەوا یانە ئەندەلوسییەکە دەتوانێت 5 ملیۆن یۆرۆی دیکە وەربگرێت.
