یاریگا –
کەریم بێنزێما، هێرشبەری پێشووی ریال مەدرید، ڤینیسیوس جونیۆر بە شایستەی بردنەوەی باڵۆن دۆری 2024 دەزانێت.
ڤینیسیۆس جونیۆر یەکێک بوو لە باشترین یاریزانەکانی ریال مەدرید لە وەرزی رابردوو لە رکابەرییەکانی لالیگا و چامپیۆنزلیگ، رۆڵێکی گرنگی هەبوو لە پاڵەوانێتی تیپەکە لە هەردوو پاڵەوانێتییەکەدا، ئەمەش وایکرد زۆرێک بە رکابەری سەرەکی بۆ بەدەستهێنانی باڵۆن دۆری دەزانن.
بەڵام ئاستی خراپی هەڵبژاردەی بەرازیل لە کۆپا ئەمێریکا و سەرنەکەوتنی بۆ قۆناغی کۆتایی و بردنەوەی ناسناوەکە بووە هۆی ئەوەی باس لە ئەگەری بەخشینی ئەم خەڵاتە بە یاریزانانی دیکەی وەک جود بێلینگهام یان رۆدری بکرێت.
🚨 Karim Benzema: “Vinicius deserves the Ballon d’Or. He’s a complete footballer.” pic.twitter.com/35FVA2chYY
— Madrid Xtra (@MadridXtra) July 21, 2024
لە وەڵامی پرسیارێکدا سەبارەت بەم یاریزانە، کە کێ بە شایەنی بردنەوەی باڵۆن دۆر دەزانێت گوتی:
ڤینیسیۆس یاریزانێکی کامڵە و بە تەنیا دەتوانێت بردنەوە بۆ تیپەکەت بەدەست بهێنێت. هەرکاتێک ریال مەدرید پێویستی پێی بوو ئەوا ئاستێکی زۆر باشی پێشکەش دەکرد و هەر بۆیە پێم وایە شایەنی بردنەوەی خەڵاتەکەیە. هەمیشە لە کاتی خۆیدا یارمەتی تیپەکەی داوە، بەو هۆیەشەوە بە بڕوای من رکابەری سەرەکییە بۆ ئەم خەڵاتە.
بێنزێما و ڤینی بۆ ماوەی پێنج ساڵ دوو دوانەی بەهێز بوون لە هێڵی هێرشبەری ریال مەدرید دا و بە هاوکاری یەکتر چەندین ناسناویان بۆ ریال بەدەست هێنا.
