مانچێستەر یونایتد ئامانجێكی بارسێلۆنا دەڕفێنێت
یاریگا –
راپۆرتە رۆژنامەوانیەكان ئاشكرایانكرد، یانەی مانچێستەر یونایتدی ئینگلیزی بەمەبەستی بەهێزكردنی هێڵی ناوەندی یانەكەی دەیەوێت گرێبەست لەگەڵ مارتن زومبێندی ناوەڕاستكاری ئیسپانی یانەی ریال سۆسێدادی هەمان وڵات واژۆ بكات.
زومبێندی لەگەڵ هەڵبژاردەی ئیسپانیا توانی نازناوی جامی نەتەوەكانی ئەوروپای 2024 بباتەوە.
مارتن زومبێندی ئامانجی چاڤی هێرناندێزی راهێنەری پێشووی بارسێلۆنا بوو.
🚨🚨| NEW: Manchester United are interested in signing Martin Zubimendi this summer.
[@Telegraph] pic.twitter.com/lZoC4DqIpx
— CentreGoals. (@centregoals) July 19, 2024
بە گوێرەی زانیارییەكانی تێلیگراف، مانچێستەر یونایتد دەیەوێت گرێبەست لەگەڵ مارتن زومبێندی واژۆ بكات.
ئاماژە بەوەشكراوە، شەیتانە سورەكان ئامادەن بڕی 60 ملیۆن یۆرۆ بۆ گواستنەوەی زومبێندی لە گواستنەوەكانی هاوینی ئێستا بدەن.
مانچێستەر یونایتد دەیەوێت زومبێندی بۆ جێگای كارلۆس كاسێمیرۆ بگوازێتەوە، دوای ئەوەی لەسەر داوایی تێن هاخ رێگا بە رۆیشتنی یاریزانە بەڕازیلییەكە درا.
زومبێندی تەمەن 25 ساڵان وەرزی رابردوو لەگەڵ سۆسێداد بەشداری لە 45 یاری كردو توانی چوار گۆڵ بكات و گۆڵێكیش درووست بكات.
