یانەیەکی سعوودی دەیەوێت ئیدەرسن بگوازێتەوە ریزەکانی
یاریگا –
سعودیەکان بێهیوا نەبوونە لە گەیشتن بەو ئامانجانەی کە پلانیان بۆ داناوە و جارێکیتر و لە رێگەی یانەیەکی جیاوازترەوە لە ئێدەرسنی گۆڵپارێزی مانجێستەر سیتی هاتوونەتە پێشەوە.
ناوەڕاستی ئەم مانگە بوو فابریزۆ رۆمانۆی رۆژنامەنووس و شارەزای بازاڕی گواستنەوەکان ئاشکرای کرد کە سعودیەکان و مان سیتی شکستیان هێناوە لە گفتوگۆکانیان بۆ گواستنەوەی گۆڵپارێزە بەڕازیلیەکە و، رێکنەکەوتنەکەیش بەهۆی جیاوازیی زۆرەوە بووە لە نرخی داواکراوی ئێدەرسن. لەم لینکەی خوارەوە درێژەی بابەتەکەت بخوێنەوە:
خاڵی ناکۆکی نێوان مانچێستەر سیتی و نەسڕ چیە سەبارەت بە گواستنەوەی ئێدرسن؟
ئەمڕۆ هەمان رۆژنامەنووس بڵاویکردووەتەوە کە ئەم جارە یانەی ئیتیحادی سعودی چووەتەپێشەوە و خودی گۆڵپارێزەکەیش سوورە لەسەر پەیوەندیکردنی بە خولی سعودیەوە هەروەک ئەوەی پێشتر بۆ نەسر دەیویست بەڵام شکستیان پێهێنا.
رۆمانۆ باس لەوە دەکات کە بڕیارە ئیتیحاد و سیتی درێژە بە گفتوگۆکانیان بدەن، ئەگەرچی یانە ئینگلیزیەکە پێداگرە لەوەی هەر بە 60-50 ملیۆن یۆرۆ بیفرۆشێت، بەڵام لایەنی سعودی هەوڵی خۆی دەدات.
🚨🟡⚫️ Al Ittihad have approached Ederson and he remains keen on move to Saudi Pro League, as he also agreed on terms with Al Nassr but deal collapsed.
Talks to follow between clubs with Man City to insist on €50/60m valuation, not easy one… but Al Ittihad are trying. pic.twitter.com/5UbGN7RHFu
— Fabrizio Romano (@FabrizioRomano) July 21, 2024
ئەو گۆڵپارێزە کە لە ساڵی 2017 لە یانەی بێنفیکای پۆرتوگالیەوە گواسترایەوە سیتیزنس، وەک کۆڵەگەیەکی سەرەکی بووە لە ریزی ئەو یانەیە و متمانەی تەواوەتی پێپ گواردیۆلای پێبەخشراوە. هەر لە سیتی بوو کە زۆرێک لە دەستکەوتە ناوخۆییەکان و ئەورووپیی و جیهانییەکانی چنیەوە، کە گرنگترینیان چامپیۆنزلیگ بوو.
