ریال مەدرید لەبارەی چارەنووسی لونین و کیپا بڕیاری خۆی دا
یاریگا –
ریال مەدرید لەبارەی چارەنووسی لونین و کیپا بڕیاری خۆی داوە و ئەگەر ئۆفەرێکی گونجاوی پێبگات، ئامادەیە دەستبەرداری گۆڵپارێزە ئۆکراینییەکە بێت.
فابریزیۆ رۆمانۆ رۆژنامەنووسی بەناوبناگی ئیتاڵی ئاشکرایکردووە، ریال مەدرید بڕیاریداوە ئەگەر ئۆفەرێکی گونجاوی پێبگات، دەستبەرداری ئاندریێ لونین گۆڵپارێزی ئۆکراینی یانەکەی دەبێت، کە ئەو گۆڵپارێزە ئۆکراینییە لەوەتەی ساڵی 2018 لە ریزی یانەی ریال مەدرید یاریی دەکات.
رۆژنامەی مارکای ئیسپانی ئاشکرایکردووە، ریال مەدرید ئامادە نییە بە کەمتر لە 30 ملیۆن یۆرۆ دەستبەرداری گۆڵپارێزە ئۆکراینییەکەی بێت، کە یانەکانی ئارسێناڵ و چێڵسی ئینگلیزی چاویان لەو گۆڵپارێزە 25 ساڵانەیە و دەیانەوێت بیگوازنەوە ریزەکانیان.
🚨⚪️ Andrij Lunin’s exit remains strong possibility for this summer, as reported in the recent days.
Real Madrid are prepared to sell Lunin in case he doesn’t agree to sign new contract offered in March.
↪️🇪🇸 Kepa keeps waiting as he can and wants to return to Real Madrid. pic.twitter.com/3XxxE6A9Gk
— Fabrizio Romano (@FabrizioRomano) July 21, 2024
لونین کە بەگوێرەی پێگەی ترانسفرێر مارکێت لە بۆرسەی یاریزانان نرخەکەی 25 ملیۆن یۆرۆیە، وەرزی رابردوو بەهۆی پێکانی تیبۆ کۆرتوا لە چامپیۆنزلیگ و لالیگا ئاستێکی بەرزی پێشکەش کرد و رۆڵێکی یەکلاکەرەوەی لە سەرکەوتنی مێرەنگی بۆ یاریی کۆتایی هەبوو، بەڵام دوای گەڕانەوەی کۆرتوا لە پێکانەکەی، لە یاریی کۆتایی چامپیۆنزلیگ گۆڵپارێزە بەلجیکییەکە سەرەکی بوو، لونین بەهۆی نەخۆشییەوە نەیتوانی بەشداریی بکات.
فابریزیۆ راشیگەیاندووە، کیپا هێشتا چاوەڕوانە و ئارەزوو دەکات هەر لە ریال مەدرید بمێنێتەوە، کە بە خواستن لە چێڵسییەوە پەیوەندی بە ریزەکانی ریال مەدرید کردووە، ئەگەر لونین لە لۆس بلانکۆس بڕوات ئەوا کیپا لە یانە ئیسپانییەکە دەمێنێتەوە.
