🎥: لێدانێکی سزا ئاڵۆزی لە خولی بەڕازیل درووست دەکات
یاریگا –
لە یارییەکەی خولی بەڕازیلی نێوان فلامینگۆ و کریسیوما، ناوبژیوان لە خولەکی 85ی یارییەکەدا لێدانێکی سزای لە بەرژەوەندی فلامینگۆ گرت کە بووە هۆی ئاڵۆزی لە یارییەکەدا.
شەوی رابردوو فلامینگۆ لە خولی بەڕازیلی بەرامبەر کریسیوما بە دوو گۆڵ بەرامبەر بە گۆڵێک سەرکەوتنی بەدەستهێنا. گۆڵەکەی یەکەم لە خولەکی 76 تۆمارکرا و گۆڵەکەی تر لە خۆلەکی 89 بە لێدانی سزا کە مشتومڕییەکی زۆری بە دوای خۆیدا هێنا تۆمار کرا.
لە دیمەنێکی تەواو نائاساییدا لە خولەکی 85 یارییەکەدا دوو تۆپ لەناو یاریگادا هەبوو و یاریزانانی فلامینگۆ لە کاتی هێرشبەردن بوون، گوستاڤۆ بارتۆی ناوەڕاستکاری کریسیوما، بە خێرایی بۆ تۆپی دووەم دەگەڕێتەوە و شووتێکی لێدەدات و رێگری لە هێرشی فلامینگۆ دەکات، ناوبژیوان دەستبەجێ ئاماژەی بە لێدانی سزا کرد و بارتۆش کارتی زەردی پێدرا.
بڕیارەکەی ناوبژیوان، ناڕەزایەتی تووڕەیی یاریزانانی کریسیۆمای لێکەوتەوە و مشتومڕێکی بەرفراوانی لە رۆژنامە وەرزشییەکان و سۆشیال میدیاکاندا بەدوای خۆیدا هێنا.
🤯 We have NEVER seen this happen before!
Flamengo were awarded a last minute penalty tonight after the Criciúma player kicks a second ball that was on the pitch at the current match ball the attacker is using.
New rule unlocked. 🔓pic.twitter.com/CnxLlFqA7A
— The Sportsman (@TheSportsman) July 20, 2024
بێگومان ناوبژیوان دادپەروەری کرد، وەک لە یاساکاندا هاتووە کاتێک یاریزانێک شتێک فڕێبداتە لای تۆپ، یان بەسەر یاریزانێکی بەرامبەردا یان بەسەر ئەندامێکی تیپی ناوبژیواندا، دەبێت بڕیاری لێدانی راستەوخۆ بدرێت و هەروەها لە ناو هێڵی سزادا دەبێتە لێدانی سزا.
بەڵام هەندێک لە شرۆڤەکاران دەڵێن دەبوو ناوبژیوان زووتر یارییەکەی بوەستێنێت چونکە تۆپی دووەم چەند چرکەیەک پێشتر هاتبووە ناو یاریگا و ناوبژیوانەکە بینیبووی.
ئەوەی جێگای سەرنجە ڤار بۆ پێداچوونەوە بە دیمەنەکە دەستوەردانی نەکرد، بە هۆی ئەم لێدا سزایەوە ئەنجامی یارییەکە لە 1-1 بووە 2-1 بە سوودی فلامینگۆ یارییەکە کۆتایی هات.
