یانەیەکی پرێمەرلیگ ململانێی گواستنەوەی کانتێ دەکات

یاریگا –

وێستهام یونایتد بە زارەکی لەگەڵ ئێنگۆلۆ کانتێ گەیشتبووە رێککەوتن، بەڵام ئیتیحاد ئۆفەرەکەی رەتکردەوە.

یانەکەی پرێمەرلیگ بە توندی گفتوگۆکانی گواستنەوەی کانتێی دەستپێکردبوو، بەڵام ئیتیحاد رەتیکردەوە بە هیچ شێوەیەک دەستبەرداری یاریزانی نێودەوڵەتی فەڕەنسی ببێت.

تۆڕی ئاتلێتیک بڵاویکردووەتەوە، رەنگە ئیتیحاد بەبڕی 25 ملیۆن پاوەند، رێگە بە چوونە دەرەوەی کانتێ بدات، بەڵام وێستهام ئامادەنییە ئەو بڕە پارەیەک خەرج بکات.

کانتێ، 33 ساڵ لە ئیتیحاد دڵخۆشە لە چەند رۆژی رابردوودا، پشووی هاوینەی تەواوبوو و پەیوەندی بە ئامادەکارییەکانی یانەکەی جەددە بۆ وەرزی نوێکرد.

یاریزانی پێشووی لێستەر سیتی لە هاوینی رابردوودا، چێڵسی جێهێشت و چووە سعوودییە. کانتێ چوار گۆڵی لە کۆی 46 یاریدا بۆ ئیتیحاد کردووە.