یاریگا –
راپۆرتە رۆژنامەوانیەكان دوایین پێشهاتەكانیان دەربارەی داهاتووی مەیسن ماونتی ئینگلیزی و یاریزای یانەی مانچێستەر یونایتدی هەمان وڵات ئاشكرا كرد.
ماونت لە گواستنەوەكانی هاوینی 2023 بە بەهاى 64 ملیۆن یۆرۆ پەیوەندی بە مانچێستەر یونایتدەوە كرد.
گرێبەستەكەی ماونت لەگەڵ شەیتانە سوورەكان لە ساڵی 2028 بەسەردەچێت.
لە ماوەی رابردوودا زۆربەی سەرچاوە رۆژنامەوانیەكان باسیان لە رۆیشتنی مەیسن ماونت لە ریزەكانی مانچێستەر یونایتد دەكرد.
🚨 Manchester United are currently not planning to sell Mason Mount despite reports.
Mount’s also only focused on Man United after unlucky first season and ready to do his best under Erik ten Hag this season.
No plan to part ways. pic.twitter.com/YK4dAbrbUP
— Fabrizio Romano (@FabrizioRomano) July 20, 2024
بە گوێرەی زانیارییەكانی فابریزیۆ رۆمانۆ، مانچێستەر یونایتد هیچ پلانێكی بۆ فرۆشتنی مەیسن ماونت نیە، سەرەڕای ئەو هەواڵانەی ئەم دواییە بڵاوبوویەوە.
هەروەها ماونت نایەوێت مانچێستەر یونایتد جێبهێڵێت و تەنیا سەرنجی لەسەر یانەكەیەتی، دوای ئەو وەرزە خراپەی لە یەكەم ساڵیدا بەسەریبرد، ئامادەیە لە ژێر راهێنەرایەتیكردنی تێن هاخ هەموو شتێك بۆ وەرزی نوێ پێشكەش بكات. هیچ پلانێك بۆ جیابوونەوە نییە.
وەرزی رابردوو ماونت بەشداری لە 20 یاری كرد و تەنیا یەك گۆڵی كرد و گۆڵێكیشی درووست كرد.
