دۆرتمۆند درێسی وەرزی نوێی نمایش کرد
یاریگا-
دۆرتمۆندی ئەڵمانی بە هاوکاری پوما درێسی یەکەمی یانەکەی بۆ وەرزی نوێ نمایش کرد.
کاتێکی زۆر نەماوە بۆ دەستپێکردنی وەرزی نوێی بۆندسلیگا، تیپەکانی ئەم پاڵەوانێتییە سەرقاڵی ئامادەکارین بۆ دەستپێکێکی بەهێز لە وەرزی نوێدا، هەروەها پرۆسەی نمایش کردنی ئەو درێسانەی کە بڕیارە لەم پاڵەوانێتییەدا لەبەری بکەن چەند رۆژێک لەمەوبەر دەستیپێکرد و بەردەوامە.
Cup history remade 🏆
🛍️ https://t.co/JaEWCRGR9q@pumafootball @PUMA pic.twitter.com/ZJL0S44o0Z
— Borussia Dortmund (@BVB) July 20, 2024
یەکێک لەو تیپانەی کە ساڵانە درێسەکەی لەنێو هاندەرانی تۆپی پێ لە ئەوروپادا هاندەرێکی زۆری هەیە، دۆرتمۆندە و چەند خولەکێک لەمەوبەر، دواجار ئەم یانەیە پەردەی لەسەر ئەو درێسە لادا کە بەنیازە بۆ وەرزی نوێ لەبەری بکات، درێسێکی زۆر سەرنجڕاکێشە لەگەڵیدا دیزاینەکەی کلاسیکە.
ئەم درێسە کۆمپانیای پوما وەک سپۆنسەرێکی دارایی ئەم یانەیە دیزاینی کردووە، لەلایەن بەکارهێنەرانی تۆڕە کۆمەڵایەتییەکانەوە پێشوازییەکی زۆری لێکرا و جێگەی سەرنجە بزانین کۆمپانیای پوما بڕیاری داوە ئەم درێسە بە ئیلهام وەرگرتن لە درێسەکانی ساڵانی 1996-1997، 2012-2013، 2016-2017 و هەروەها 2017-2018 دیزاین بکات.
زەردەواڵەکان بۆ ناساندنى ئەم درێسە دەستەواژەى “مێژوو دروستکردنەوە”ى بەکارهێناوە و بە ئیلهامى ساتەکانى مێژووى رابردووى تیپەکەى. ئەم درێسە لە ئەمڕۆوە بۆ ئەو کەسانەی ئارەزووی کڕینی دەکەن لە فرۆشگاکانی پوما و دۆرتمۆند بەردەست دەبێت.
