یاریگا –
ئیتیحاد دەستبەرداری ئێنگۆلۆ کانتێی فەرەنسی نابێت و یاریزانەکە رۆڵی سەرەکی لە پلانەکانی یانەکە دەبێت.
رۆژنامەنووسی تۆڕی ئاتڵێتیک دەیڤد ئۆرنشتاین بڵاویکردووەتەوە، بۆ گواستنەوەی کانتێ، شەوی رابردوو وێستهام یونایتد ئۆفەرێکی بە بەهای 15 ملیۆن پێشکەش بە ئیتیحاد کردووە، بەڵام سعودییەکان ئۆفەرەکەیان رەتکردووەتەوە.
ئیتیحاد بەهیچ شێوەیەک نایەوێت دەستبەرداری کانتێ ببێت، لۆران بلانی راهێنەری نوێی یانەکە یاریزانەکە بە کلیلێکی پلانەکانی دادەنێت و فرۆشتنی قەدەخەیە.
🚨 West Ham ~£15m verbal bid for N’Golo Kante rejected by Al Ittihad last night. #WHUFC interest remains but #AlIttihad have no intention of selling; would take £25m+ to even consider. 33yo France midfielder happy + club/#SPL counting on him @TheAthleticFC https://t.co/BPb8jmEIfv
— David Ornstein (@David_Ornstein) July 19, 2024
ئێنگۆلۆ هاوینی رابردوو بە گرێبەستێکی ئازاد لە چێڵسییەوە پەیوەندی بە ئیتیحاد کرد. بە درێسی یانە نوێیەکەی لە سەرجەم پاڵەوانێتییەکان بەشداری 44 یاریی کردووە، 4 گۆڵی کردووە و 6 گۆڵیشی دروستکردووە.
بەدرێسی سەرجەم یانەکان بەشداری 475 یاریی کردووە، 28 گۆڵی کردووە و 35 گۆڵی دروستکردووە، بە درێسی هەڵبژاردەی فەرەنساش لە 61 یاریی خاوەنی گۆڵیک و دوو ئەسیستە.
کانتێ یاریی بۆ یانەکانی کان، لێستەر سیتی و چێڵسی کردووە، نازناوێکی چامپیۆنزلیگ، نازناوێکی جامی جیهانی یانەکان، نازناوێکی جامی سوپەری ئەورەپا، دوو نازناوی پرێمەرلیگ، نازناوێکی جامی یەکێتی ئینگلتەرا، نازناوێکی یۆرپالیگ، نازناوێکی جامی جیهان و نەیشنزلیگی بەدەستهێناوە.
