بارسێلۆنا ئۆفەرێكی فەرمی پێشكەشی دانی ئۆلمۆ دەكات
یاریگا –
راپۆرتە رۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی ئۆفەرێكی فەرمی بەمەبەستی بەدەستهێنانی تواناكانی دانی ئۆلمۆ پێشكەش دەكات.
دانی ئۆلمۆ لە هاوینی ساڵی 2020 لە ریزەكانی دینامۆ زاگرەبەوە بە بەهای 29 ملیۆن یۆرۆ پەیوەندی بە ریزەكانی لایپزیگی ئەڵمانیەوە كرد.
ئەستێرەكەی هەڵبژاردەی ئیسپانیا رۆڵێكی گرنگی لە بەدەستهێنانی نازناوی یۆرۆ بۆ هەڵبژاردەكەی هەبوو، بەجۆرێك توانی بە سێ گۆڵ ببێتە گۆڵكاری پاڵەوانیەتیەكە و دوو گۆڵیش درووست بكات.
🔵🔴 Noticia MD: Los agentes de Dani Olmo ya tienen la propuesta oficial del Barça
➡️ El club azulgrana le ofrece por escrito al centrocampista de Terrassa un contrato de seis temporadas
🖋️ @martinezferran https://t.co/sZMWaVhAHD
— Mundo Deportivo (@mundodeportivo) July 19, 2024
بە گوێرەی زانیارییەكانی رۆژنامەی موندۆ دیپۆرتیڤۆی ئیسپانی بێگومان بارسێلۆنا ئۆفەرێكی فەرمی بۆ گواستنەوەی دانی ئۆلمۆ پێشكەشكردووە.
هەمان سەرچاوە ئەوەشی ئاشكرا كردووە، ئۆفەرەكەی بارسێلۆنا بۆ بەدەستهێنانی واژۆی ئۆلمۆ بریتیە لە 60 ملیۆن یۆرۆ لەگەڵ گۆڕانكارییەكان و بۆ ماوەی شەش ساڵ دەبێت.
گرێبەستەكەی ئۆلمۆ لەگەڵ لایپزیگ لە هاوینی ساڵی 2027 بەسەردەچێت.
