یاریگا –
فیدراسیۆنی تۆپی پێی ئینگلتەرا بەردەوامە لە گەڕان بە دوای راهێنەرێكدا بۆ شوێنگرتنەوەی گارێس ساوسگەیت راهێنەری پێشووی هەڵبژاردەكەیان.
لە ماوەی رابردوودا هەژماری فەرمی ئینگلتەرا لە پلاتفۆرمی ئێكس رایگەیاند، گارێس ساوسگەیت دەستلەكاركێشانەوەی خۆی پێشكەشكردووە و واز لە راهێنەرایەتیكردنی هەڵبژاردەكە دەهێنێت.
After 102 games and almost eight years in charge, Gareth Southgate has announced he is to leave his role as manager of the #ThreeLions.
— England (@England) July 16, 2024
ئینگلتەرا توانی بگاتە یاری كۆتایی یۆرۆی 2024 و لەو یارییەشدا بەرامبەر هەڵبژاردەی ئیسپانیا شكستیهێنا.
🟥 #آخر_خبر | الاتحاد الإنجليزي لكرة القدم يعلن عن فتح باب الترشح لاستلام طلبات المدربين الذين يرغبون في تدريب المنتخب الأول
⬅️ الاتحاد الإنجليزي يحدد الثاني من أغسطس المقبل كآخر أمد لتقديم الطلبات لخلافة غاريث ساوثغيت في المنصب الذي استقال منه مؤخرا pic.twitter.com/7e0o8Sslr7— beIN SPORTS الإخبارية (@beINSPORTSNews) July 19, 2024
بە گوێرەی زانیارییەكانی بی ئێن سپۆرتی قەتەڕی، یەكێتیی تۆپی پێی ئینگلتەرا داواكارییەكان بۆ وەرگرتنی ئەو كاندیدانەی كە ئارەزووی وەرگرتنی پۆستی راهێنەرایەتیكردنی هەڵبژاردەكەیان هەیە وەردەگرێت.
ئاماژە بەوەشكراوە، ئینگلتەرا بە مەرج داواكارییەكان وەردەگرێت، مەرجەكەشیان ئەوەیە كاندیدەكە دەبێت ئەزموونێكی بەرفراوانی لە تۆپی پێی ئینگلتەرا هەبێت، لە خولی نایابی ئینگلتەرا یان لەپاڵەوانییەتیە گەورەكاندا ئەنجامی باشی بەدەستهێنابێت، ئەوەی خۆی هەڵدەبژێرێت پێوویستە رۆحی سەركردایەتی هەبێت، لەگەڵ توانای درووستكردنی كەشێكی ئەرێنی.
فیدراسیۆنەكە بەرواری 2ی مانگی داهاتوو وەك كۆتا مۆڵەت بۆ وەرگرتنی داواكارییەكان داناوە.
ساوسگەیت وەك راهینەری ئینگلتەرا 102 یاری كرد و لە 64 یاری براوە بوون و 20 یاری یەكسان بوون و لە 18 یاریش تووشی شكست هاتن.
