فەرمی: کوڕەکەی ئیبراهیمۆڤیج یەکەم گرێبەستی پیشەگەری لەگەڵ میلان واژۆکرد

ماکسیمیلیان ئیبراهیمۆڤیج کوڕی زڵاتان ئیبراهیمۆڤیج یەکەم گرێبەستی پیشەگەریی خۆی لەگەڵ ئەیسی میلان واژۆکرد.

جیانلوکا دی مارزیۆی رۆژنامەنووس رایگەیاند، ماکسیمیلیان واژۆی لەسەر گرێبەستێک کرد تاوەکو 2027 و پەیوەندی بە تیمی بە میلانی خوار 23 ساڵ دەکات کە لە خولی پلە سێی ئیتاڵیادان.

ناوبراو تەمەنی 17 ساڵە و پێشتر لە تیمە نیمچە فەرمییەکانی میلان وەک خوار 18 ساڵ یاری کردووە وەک هێرشبەری باڵی چەپ و  لە 29 یاریدا تەنها سێ گۆڵی تۆمارکردبوو.

زڵاتان ئیبراهیمۆڤیج، پارساڵ بەیەکجاری وازی لە یاریکردن هێنا، ئێستاش لە میلان ماوەتەوە لە رۆڵی راوێژکاریدا بۆ خاوەنانی یانەکە و یارمەتیدانی میلان بۆ گەڕانەوە بۆ ئاستی راستەقینەیان.