🎥 | هاندەرانی مارسیلیا پێشوازی لە گرینوود دەکەن
یاریگا –
مەیسن گرینوود گەیشتە مارسیلیا و هاندەرانی یانە فەرەنسییەکە پێشوازییەکی گەرمی لێدەکەن.
بۆ گواستنەوەی گرینوود، مارسیلیا لەگەڵ مانچێستەر یونایتد گەیشتووەتە رێککەوتنی کۆتایی، هێرشبەرە ئینگلیزییەکە بۆ ماوەی 5 وەرز و تا هاوینی 2029 درێسی یانە فەرەنسییەکە دەپۆشێت.
بۆ پەیوەندیکردن بە یانە نوێیەکەی، یاریزانە تەمەن 21 ساڵانییەکە بەرەو فەرەنسا گەشتی کردووە و لەلایەن هاندەرانی مارسیلیا بە یاریی ئاگرین و گۆرانی گوتنەوە پێشوازی لێدەکرێت.
Greenwood est olympien 🔵⚪️ pic.twitter.com/zsrXI5cxRx
— khal 🔵⚪️🇹🇳 (@khal4ever) July 17, 2024
مەیسن ئەمڕۆ پشکنینەکانی پزیشکی بۆ دەکرێت و واژۆ لەسەر گرێبەستەکەی دەکات، دواتریش بە هاندەران و میدیاکان دەناسێندرێت.
لە بەرامبەر گواستنەوەی یاریزانەکە، مارسیلیا بڕی 30 ملیۆن یۆرۆ بە مانچێستەر یونایتد دەدات، بەپێی مەرجێکی گرێبەستەکە لە داهاتوو مارسیلیا یاریزانەکە بە هەر یانەیەک بفرۆشێت %30 پارەکە بۆ شەیتانە سوورەکان دەبێت.
گرینوود وەرزی رابردوو بەشێوەی خواستن یاریی بۆ خێتافی ئیسپانی کرد، لە سەرجەم پاڵەوانێتییەکان بەشداری 36 یاریی کرد، 10 گۆڵی کرد و 6 گۆڵیشی دروستکرد. ناویشی لە باشترین پێکهاتەی وەرزی 2023/14ـی لالیگا هەبوو.
🚨🔵⚪️ Mason Greenwood has just landed in Marseille.
Plan confirmed. 🛬 #OM #TeamOMpic.twitter.com/2m066Q3qhE
— Fabrizio Romano (@FabrizioRomano) July 17, 2024
