بازاڕی گواستنەوەی یاریزانانی مانچێستەر یونایتد گەرمە

یاریگا –

کاسێمیرۆ و سکۆت مەکتۆمینای، یاریزانانی مانچێستەر یونایتد بوونەتە ئامانجی یانەکانی سعوودیە.

تۆڕی هەواڵی سکای سپۆرتس بڵاویکردووەتەوە، فولهام و گاڵاتەسەڕای چاوییان بڕیوەتەوە مەکتۆمینای و مانچێستەر یونایتد چاوەڕێی ئۆفەرەکانی سعوودیە بۆ مەکتۆمینای و کاسێمیرۆ دەکات.

هەرچەندە مان یونایتد زۆر چاوی لە فرۆشتنی یاریزانان نییە، بەڵام ئۆفەرەکانی سعوودی تاوتوێ دەکات.

لەلایەکی دیکەوە، نوێنەرانی یانەکە گفتوگۆکانیان لەگەڵ پاریس سانجێرمان بۆ گواستنەوەی مانوێل ئوگارتێ دەستپێکردووە.

مانچێستەر یونایتد تاوەکو ئێستا چارەنووسی جەیدن سانچۆی یەکلایینەکردووەتەوە، هەردوو یانەی یوڤێنتوس و بۆڕووسیا دۆرتموند لە نزیکەوە چاودێری دەکەن.

تاوەکو ئێستا یونایتد تەنیا گرێبەستی لەگەڵ جۆشوا زیرکزی، هێرشبەری بۆڵۆنیا واژۆکردووە و پێناچێت بەبێ چوونە دەرەوەی چەند یاریزانێک، هیچ یاریزانێک بگوازێتەوە.