یاریگا –
کیلیان ئێمباپێ لەگەڵ ریال مەدرید ناچێتە ویلایەتە یەکگرتووەکانی ئەمریکا.
بڕیارە ریال مەدرید لە 28ی ئەم مانگەکەمپێکی فراوانی ئامادەکاری وەرزی نوێ لە ئەمریکا دەکاتەوە و سێ یاری دۆستانە بەرامبەر ئەیسی میلان لە چیکاگۆ و بارسێلۆنا لە نیو جێرزی و چێڵسی لە چارلۆت دەکات.
ئێمباپێی تەمەن 25 ساڵان دوێنێ بە فەرمی وەک یاریزانی نوێی ریال مەدرید ناسێندرا.
تۆڕی ئاتلێتیک بڵاویکردووەتەوە، ئێمباپێ لەگەڵ ریال مەدرید گەشتی ئەمریکا ناکات، بەڵکو 7ی مانگی داهاتوو لە ڤالدێبێباس لەگەڵ یاریزانانی تیمەکانی دووەم و سێیەمی ریال مەدرید مەشقەکانی ئامادەکاری دەستپێدەکات.
پلانی سەرەکی کارلۆ ئانچێلۆتی، راهێنەری ریال مەدرید ئەوەیە، ئێمباپێ بۆ یاری کۆتایی جامی سوپەری ئەوروپا لە بەرامبەر ئاتاڵانتا لە وارشۆ، پایتەختی پۆڵەندا ئامادە بکات.
بەهۆی بەشداریکردنی لە یۆرۆی 2024 لەگەڵ هەڵبژاردەی فەڕەنسا، ئێمباپێ پشووی هاوینە وەردەگرێت و تەنانەت هەریەکە لە فێرلاند مێندی، ئۆرێلیەن چوامینی و ئێدواردۆ کاماڤینگاش لە هەمان رۆژدا لەگەڵ ئێمباپێ دەست بەمەشقەکان دەکەن.
