ئارسیناڵ گۆڵپارێزێکی نوێ دەگوازێتەوە
یاریگا –
ئارسیناڵ بۆ گواستنەوەی تۆمی سێتفۆرد، گۆڵپارێزی ئەیاکس، لەگەڵ بەڕێوبەرانی یانە هۆڵەندییەکە گەیشتە رێککەوتن.
لە ماوەی چەند هەفتەی رابردوودا، بەڕێوەبەرانی ئارسیناڵ پێداچوونەوەیان بە بژاردەکانی خۆیان بۆ وەرگرتنی پۆستی گۆڵپارێز کرد و هیوایان خواست بتوانن باشترین بژاردە بۆ وەرزی داهاتوو هەڵبژێرن و لە گواستنەوەی هاوینەی داهاتوودا گرێبەستی لەگەڵ بکەن.
بوونی دەیڤد رایا لە پێکهاتەی سەرەکی ئەم تیپە لە رکابەرییەکانی وەرزی رابردوودا بەو مانایە بوو کە ئارۆن رامسدەیل چانسی زۆری بۆ یاریکردن نەبوو، ئەم بابەتەش دڵتەنگی کرد و ئەگەری ئەوە هەیە لە گواستنەوەی هاوینەدا ئەم یانەیە بەجێبهێڵێت هیوادارە پەیوەندی بە یانەیەکەوە بکات چانسی یاریکردنی هەبێت.
🔴⚪️🩺 Arsenal have booked medical tests for new young goalkeeper Tommy Setford who’s set to join from Ajax.
Agreement between Arsenal and Ajax for fee close to €1m after first proposal as exclusively revealed. Four year contract, confirmed. pic.twitter.com/OWonuq3XOz
— Fabrizio Romano (@FabrizioRomano) July 17, 2024
ئەمەش وایکرد ئارسیناڵ بەجدی بەدوای گۆڵپارێزێکی لاو و بەتوانادا بگەڕێت بۆ تیپەکەی، ئێستاش فابریزیۆ رۆمانۆ رۆژنامەنووسی بەناوبانگی ئیتاڵی دووپاتیکردەوە کە رێککەوتنی کۆتایی نێوان بەڕێوەبەرانی ئەم یانەیە و ئەیاکس بۆ گواستنەوەی تۆمی سێتفۆرد بۆ یاریگای ئیمارات کراوە و دەبێت لەمڕۆوە سێتفۆرد بە یاریزانی نوێی ئارسیناڵ بزانین.
کاتی پشکنینی پزیشکی ئەم گۆڵپارێزە لاوە دیاری کراوە و ئامادەیە ئەیاکس جێبهێڵێت و درێسی ئارسیناڵ لەبەر بکات. باس لەوە دەکرێت کە بە نرخێکی زۆر کەم کە نزیکەی یەک ملیۆن یۆرۆیە پەیوەندی بە گەنەرزەوە کردووە و بڕیارە بەم نزیکانە گرێبەستێکی چوار ساڵە لەگەڵ ئەم یانەیە واژۆ بکات و ببێتە پاسەوانی گۆڵی نوێی گەنەرز لەم هاوینەدا.
