یاریگا –
تا دێت رای جیاواز لەسەر شایستەترین یاریزان بۆ بردنەوەی باڵۆندۆر فراوانتر دەبێت و هەریەکە لە سۆنگەی خۆیەوە باشترین ناو بۆ ئەو خەڵاتە دەستنیشان دەکات.
لەنێو سەرجەم ئەستێرە دەرکەوتوو و کاریگەرەکانی ئەم ساڵدا، دانی کارڤال توانی وەک بەرگریکارێک ناوی خۆی بئاخنێتە نێو ناوانەوە بەهۆی ئەو ئاستە جێگریر و بەردەوامە و ئەو نازناوانەی ئەم ساڵ پیشانی دا و بردنیەوە. هەربۆیە دوای فیناڵی شەوی رابردوو، کە ئیسپانییەکان بۆ چوارەم جار لە مێژووی خۆیاندا بوون بە پاڵەوان کاتێک 2-1 لە ئینگلتەرایان بردەوە، ئیڤان پریسیجی ئەستێرەی کڕواتی هەستی خۆی نەشاردەوە لەسەر یاریزانە 32 ساڵانەکە و، لە رێگەی ئینستاگرامی خۆیەوە نووسی
دانی ئۆڵمۆ باشترین یاریزانی پاڵەوانێتیەکە. دانی کارڤاخال بردنەوەی باڵۆندۆر. ئیسپانیا زۆر بە شایستەیی بردیەوە، پیرۆزە.
کارڤاخال لە وەرزی 2023-24 لە سەرجەم پاڵەوانێتییەکان 7 گۆڵ و 8 ئەسیستی کردووە، 21 کلین شیتی هەبووە و نازناوی لالیگا، سوپەری ئیسپانیا و چامپیۆنزلیگ و جامی نەتەوەکانی ئەوروپای بەدەستهێناوە.
Ivan Perisic posted on his Instagram story that Dani Carvajal should be the next Ballon d'Or winner after winning the Euros with Spain 👀 pic.twitter.com/c1WSzDAwtL
— ESPN FC (@ESPNFC) July 15, 2024
کارڤاخال لە تەواوی وەرزەکە و بە تایبەت لە یاریی کۆتایی چامپیۆنزلیگ بە تۆمارکردنی گۆڵی یەکەمی یانەکەی رۆڵێکی کاریگەری گێڕا، لەگەڵ ماتادۆریش ئاستێکی بێوێنەی پێشکەشکرد و بۆ یەکەمجار جامی یۆرۆی بەرزکردەوە.
لەم راپۆرتەدا دیارترین ئەو یاریزانانەی ناویان بە خەڵاتەکەوە دەبەسترێتەوە، بخوێنەوە:
