لە دوای 12 ساڵ مۆرینیۆ داوای لێبوردن لە کارڤاخال دەکات
یاریگا –
جۆزێ مۆرینیۆ لە پەیامی پیرۆزبایی خۆیدا بۆ ئیسپانیا، بە فەرمی دانی بەوەدانا کە 12 ساڵ لەمەوبەر لەبارەی دانی کارڤاخالەوە هەڵەی کردووە.
شەوی رابردوو ئیسپانیا بە چوار یاریزانی ئێستا و پێشووی ریال مەدرید: ناچۆ و مۆراتا و خۆسێلۆ و کارڤاخال جامی یۆرۆی بەدەستهێنا. ئەم چوار کەسە هەموویان لە کاستیا (تیپی دووەمی ریال) یاریزان بوون کاتێک مۆرینیۆ راهێنەری مێرەنگی بوو.
راهێنەرە پورتوگالییەکە بۆ یەکەمجار هەلی یاریی کردنی لە تیپی یەکەمدا بە ناچۆ و مۆراتا دا، لە بەرامبەردا کارڤاخال و خۆسێلۆ ناچاربوون بە خواستن پەیوەندی بە یانەیەکیتەوە بکەن، چونکە بەشێک نەبوون لە پلانەکانی مۆرینیۆ بۆ تیپی یەکەم.
کارڤاخال چووە لیڤەرکوزن و لەوێ درەوشایەوە و گەڕایەوە ریال و توانی ببێتە ئەفسانەی یانەکەی. ئێستا ناوی خۆی لە کتێبی مێژووی هەڵبژاردەی وڵاتەکەشیدا تۆمار کرد.
View this post on Instagram
دوای پاڵەوانێتی ئیسپانیا، مۆرینیۆ دەرفەتی قۆستەوە و باسی ئەو یاریزانانەی کرد و شانازی بە خۆیەوە دەکات کە ناچۆ و مۆراتای پێگەیاندووە و هەروەها داوای لێبوردنی لە کارڤاخال کرد.
سپێشەڵ وەن نووسیویەتی:
ناچۆ فێرناندێز کاپتنی چامپیۆنزلیگی 2024 و ئەلڤارۆ مۆراتا کاپتنی پاڵەوانی ئەوروپا. پیرۆزە لە هەردووکتان و لەو راهێنەرەی کە بۆ یەکەمجاردەرفەتی یاریی کردنی پێبەخشین کاتێک لە ئەکادیمیای ریال بوون. هەمان ئەو راهێنەرەش بووم کە توانا تایبەتەکانی دانی کارڤاخاڵی درک پێنەکرد. هەروەها پیرۆزە لە بەڕێز دیلافونتێ بۆ ئەو کارە باوەڕپێنەکراوەی کە کردوویەتی. “باشترین تیپ سەرکەوتنی بەدەستهێنا.”
بەم شێوەیە راهێنەرە پورتوگالییەکە دانە بەوە دانا کە هەڵەی کردووە سەبارەت بە کارڤاخال و پەیشیمانە لەوەی درکی بە تواناکانی نەکردووە.
