دوا پەرەسەندنەکانی نێوان ئۆبامیانگ و یانەیەکی سعوودی

یاریگا –

یانەی قادسیەی سعوودی تەواوی هەوڵەکانی بۆ گواستنەوەی پیێر ئێمریک ئۆبامیانگ دەستپێکردووە.

قادسییە وەرزی رابردوو پاڵەوانی خولی پلەیەکی سعوودیە بوو و ئەمساڵ بەشداری لە خولی رۆشن دەکات، بۆیە مێرکاتۆی یاریزانانی زۆر گەرمە.

فابریزیۆ رۆمانۆ، رۆژنامەنووسی دیاری مێرکاتۆی یاریزانان روونیکردووەتەوە، یانە سعوودییەکە لە گواستنەوەی هێرشبەری مارسیلیا جددیە

قادسیە فشارەکانی سەر ئۆبامیانگ زیاد دەکات و دەیانەوێت بیکەنە دووەم گرێبەست، لە دوای ناچۆ. ئۆڵێمپیک مارسیلیا دەیەوێت هێرشبەرەکە گابۆنییەکە بهێڵێتەوە، بەڵام چاوەڕێی کۆتا بڕیاری ئۆبامیانگن.

🚨🇸🇦 Saudi side Al Qadsiah are pushing to sign Pierre Emerick Aubameyang, as next top target after bringing in Nacho.

Decision up to the player, OM would be happy to keep Auba at the club… waiting for his plan. pic.twitter.com/CkOp2qMuMN

— Fabrizio Romano (@FabrizioRomano) July 15, 2024

رۆژنامەی لیکیپ بڵاویکردووەتەوە، ئۆبامیانگ بە جددی بیر لە ئۆفەرەکەی قادسیە دەکاتەوە، بەڵام دەزانێت مارسیلیا نایەوێت دەستبەداری ببێت.

ئۆبامیانگ لە ئەپریل/نیسانی رابردوودا لەبارەی چارەنووسی خۆی لە لیگ وەن گوتی

بەردەوام لە کۆتایی هەموو وەرزێک، هەڵسەنگاندن بۆ بابەتەکان دەکەم، گرێبەستی من ئەم وەرزە کۆتاییدێت و دەتوانین لە دوای تەواوبوونی پشووەکەم، گفتوگۆی لەسەر بکەین.

رۆبێرتۆ دی زێربی، راهێنەری نوێی مارسیلیایە و دەیەوێت پارێزگاری لە ئۆبامیانگ بکات، بەڵام چاوەڕێی دوا بڕیاری ئەستێرەی پێشووی دۆرتموند و چێڵسین.

ئۆبامیانگ، 34 ساڵ لە وەرزی رابردوودا 30 گۆڵی بۆ مارسیلیا لە تەواوی پاڵەوانیەتییەکان کرد.