براوەی سەرجەم خەڵاتەكانی یۆرۆی 2024
یاریگا –
هەڵبژاردەی ئیسپانیا توانی بۆ جاری چوارەم لە مێژوویدا ببێتە پاڵەوانی جامی نەتەوەكانی ئەوروپا.
شەوی رابردوو هەردوو هەڵبژاردەی ئینگلتەرا و ئیسپانیا لە یاری كۆتایی یۆرۆی 2024 رووبەڕووی یەك بوونەوە، یارییەكەش بە بردنەوەی ئیسپانیا بە ئەنجامی دوو گۆڵ بەرامبەر گۆڵێك كۆتایی هات.
گۆڵەكانی ئیسپانیا لەلایەن نیكۆ ویلیامس لە خولەكی 47 و ئۆیارزابال لە خولەكی 86 تۆمار كران و تاكە گۆڵەكەی ئینگلاند كۆڵ پاڵمەر لە خولەكی 73 تۆماریكرد.
2024 CHAMPIONS: Spain 🇪🇸#EURO2024 pic.twitter.com/8jGoI5ZSv0
— UEFA EURO 2024 (@EURO2024) July 14, 2024
لە دوایی كۆتایی هاتنی یارییەكە سەرجەم خەڵاتەكە تاكە كەسییەكانی پاڵەوانییەتیەكە دابەشكرا.
باشترین یاریزان
رۆدری، ئەستێرەی هەڵبژاردەی ئیسپانیا و یانەی مانچێستەر سیتی بە باشترین یاریزانی پاڵەوانیەتیەكە دەستنیشانكرا.
گۆڵكار
هەریەك لە یاریزانان دانی ئۆلمۆ، كۆدی خاكپۆ، ئیڤان شرانز، چەمال موسیالا، هاری كەین و میكتادزێ بە سێ گۆڵ بوون بە گۆڵكاری پاڵەوانیەتیەكە.
باشترین یاریزانی لاو
لامین یامال، ئەستێرەی هەڵبژاردەی ئیسپانیا و یانەی بارسێلۆنا خەڵاتی باشترین یاریزانی لاوی بردەوە
