دوایین زانیاری لەبارەی پێکانەکەی لیۆنێل مێسی
یاریگا –
بەرەبەیانی دووشەممە لە یاری کۆتایی کۆپا ئەمێریکا ئەرجەنتین و کۆڵۆمبیا رووبەڕووبوونەوە، تانگۆ بە تاکە گۆڵێکی لاوتارۆ مارتینێز یارییەکەی بردەوە و بووە پاڵەوان.
بەڵام ئەوەی بۆ هاندەرانی تانگۆ مایەی نیگەرانییە، پێکانی لیۆنێل مێسییە، کاپتنەکەی ئەرجەنتین لە خولەکی 66 بەهۆی پێکانێکی سەخت لە گۆزینگی یاریگای جێهێشت.
Messi’s ankle injury 🤯#CopaAmerica2024 pic.twitter.com/0bCYZ2TSIX
— Complex (@Complex) July 15, 2024
مێسی دوای چوونە دەرەوەی لە یاریگا، بۆ کەمکردنەوەی ئازارەکەی سەهۆڵی بەکاردەهێنا، بەڵام گۆزینگی بەشێوەیەکی نائاسایی ئاوساوە، وا دەردەکەوێت پێکانەکەی زۆر سەخت بێت.
ئەفسانە ئەرجەنتینییەکە بەهۆی سەختی پێکانەکەی و دڵتەنگی بۆ جێهێشتنی یارییەکە بۆ ماوەیەکی زۆر بەکوڵ لەسەر کورسی یەدەک دەگریا، بەڵام هاوڕێکانی بەدەستهێنانی جامەکەیان بۆ کرد بە دیاری و گریانەکەی گۆڕا بۆ خۆشییەکی زۆر.
Messi is in tears as he is subbed off due to injury 💔 pic.twitter.com/t0l3OLLuWf
— FOX Soccer (@FOXSoccer) July 15, 2024
ئەمە جاری دووەمە لیۆ لە کۆپا ئەمێریکای 2024 تووشی پێکان دەبێت، جاری یەکەم لە قۆناخی کۆمەڵەکان بەرامبەر چێلی بەهۆی پێکانی ماسولکە یاریگای جێهێشت و لە یارییەکیش بەتەواوی دابڕا.
بەڵام پێکانی ئەمجارەی بەراورد بە پێکانی یەکەمی سەختتر دەردەکەوێت، بڕیارە لە رۆژانی داهاتوو پشکنینی پزیشکی وردی بۆ بکرێت و ماوەی دوورکەوتنەوەی لە یاریگاکان ئاشکرا دەکرێت.
Messi's swollen ankle 😬 pic.twitter.com/dtZ1mQUogV
— FOX Soccer (@FOXSoccer) July 15, 2024
