كۆنگرەی رۆژنامەوانی دێلا فوێنتێ پێش یاری كۆتایی یۆرۆی 2024
یاریگا –
كۆنگرەی رۆژنامەوانی خۆسێ لویس دێلا فوێنتێ راهێنەری هەڵبژاردەی ئیسپانیا پێش یارییەكەیان بەرامبەر ئینگلتەرا.
وا بڕیارە ئەمڕۆ یەكشەممە كاتژمێر 22:00 بە كاتی كوردستان هەردوو هەڵبژاردەی ئینگلتەرا و ئیسپانیا لە یاری كۆتایی جامی نەتەوەكانی ئەوروپای 2024 رووبەڕووی یەك ببنەوە.
“Two huge national teams. They are the two best, that’s why we are both in the final” 🌟
Spain manager Luis de la Fuente thinks Spain and England were the two best teams in the Euro 2024 competition ⚔ pic.twitter.com/jiUvJlvGiZ
— Sky Sports News (@SkySportsNews) July 13, 2024
لە كۆنگرەی رۆژنامەوانی پێش یارییەكەیان بەرامبەر ئینگلتەرا دێلا فوێنتێ گوتی:
من دڵخۆشم، ئامادەبوونت لە یاری كۆتایی یۆرۆ یەكێكە لە گەورەترین دەستكەوتەكان كە دەتوانیت لە تۆپی پێدا بەدەستیبهێنیت، ئێمە زۆر ئارامین و بە پەرۆشین بۆ یاریكردن.
یاریی كۆتایی بەرامبەر ئینگلتەرا یارییەكی یەكسان و ركابەریی دەبێت، هەمووان دەبێت لەوە تێبگەن كە ئەم جۆرە یارییان پشت بە بچووكترین وردەكارییەكان دەبەستێت، ئەو تیمەی بچوكترین هەڵە بكات و لە باشترین كاتەكانیدا بێت یارییەكە دەباتەوە.
هەندێك جار هەست بە شەرم دەكەم چونكە داوای زۆر لە یاریزانەكانم دەكەم، بەلام بۆ یاریی كۆتایی داوای هیچیان لێ ناكەم، چونكە روخسار و رۆحیان دەبینم، داوایان لێدەكەم چێژ لە یاری كۆتایی وەربگرن.
هیچ تیپێك پاڵێوراو نییە،هەردوولا یەكسانن، ئێمە ئارامین و دەبێت هەمان ئاست پێشكەش بكەین ئەوا ناتوانین بردنەوە بەدەستبهێنین.
ئیسپانیا لە پاڵەوانیەتیەكەدا ئاستێكی نایابی پێشكەش كردووە و توانیویەتی شكست بە ئیتاڵیای هەڵگری نازناوەكە ئەڵمانیا و فەڕەنسا بهێنێت.
