بەفەرمی چێڵسی یاریزانێکی پۆرتوگالی گواستەوە
یاریگا –
بەشێوەیەکی فەرمی ریناتۆ ڤێیگای پۆرتوگالی پەیوەندی بە یانەی چێڵسی لەندەنی کرد.
ماڵپەڕی فەرمی چێڵسی بڵاویکردووەتەوە، بەشێوەیەکی فەرمی یاریزانی پێشووی یانەی بازلی سویسری ریناتۆ ڤێیگا، گرێبەستێکی درێژخایەنی لەگەڵ یانە لەندەنییەکە واژۆ کردووە.
Welcome to the Blues, Renato Veiga! ✍️🇵🇹 pic.twitter.com/Z4668DxFF2
— Chelsea FC (@ChelseaFC) July 12, 2024
لە بەرامبەر گوازتنەوەی ڤێیگا بلوز بڕی 14 ملیۆن بە بازل دەدات، گرێبەستەکە بۆ ماوەی حەوت وەرز دەبێت لەگەڵ بژاردەی نوێکردنەوەی بۆ وەرزێکی دیکەش.
ریناتۆی تەمەن 20 ساڵان لە 29ـی حوزەیرانی 2003 لەدایکبووە، دەتوانێت وەک دڵی بەرگری، بەرگریکاری باڵی چەپ و لە هێڵی ناوەڕاستیش یاری بکات.
یاریزانە پۆرتوگالییەکە لە هاوینی رابردوو بەبڕی 4.60 ملیۆن یۆرۆ لە سپۆرتینگەوە پەیوەندی بە بازل کردووە، وەرزی رابردوو لە سەرجەم پاڵەوانێتییەکان بەشداری 26 یاری کردووە، 2 گۆڵی کردووە و گۆڵێکیشی دروستکردووە.
New Blue on the block. 🫡 pic.twitter.com/vrxDrhUqVI
— Chelsea FC (@ChelseaFC) July 12, 2024
