مانچێستەر سیتی داشکاندنێکی گەورەی لە نرخی کانسێلۆدا راگەیاند
یاریگا –
وا دیارە مانچێستەر سیتی بە تەواوەتی خۆی یەکلاکردووەتەوە بۆ دەستبەرداربوون لە جواو کانسێلۆ و نەگەڕاندنەوەی بۆ ریزەکانی کە زیاتر بە خواستن ناردوویەتیە یانەکانی بایرن میونشن و بارسێلۆنا و ئێستایش پێگەی نادیارە لە یانە کەتەلۆنییەکە و هێشتا روون نییە کە هانسی فلیک دەیهێڵێتەوە یاخود نا.
ناوەڕاستی مانگی رابردوو بوو رۆژنامەی مۆندۆ دیپۆرتیڤۆی ئیسپانی بڵاویکردەوە کە سیتی نرخی 30 ملیۆن یۆرۆی خستووەتە سەر یاریزانە پۆرتوگالیەکە بۆ هەر یانەیەک نیازی کڕینی هەبێت.
بە گوێرەی نوێترین نوێترین زانیاریی کە سپۆرتی ئیسپانی بڵاویکردووەتەوە، مان سیتی دەیەوێ بە یەکجاری دەستبەرداری یاریزانە 30 ساڵانەکەی بێت لەم هاوینە و بۆ ئەو مەبەستەیش نرخەکەی هێناوەتە خوار 20 ملیۆن یۆرۆ.
🚨 Manchester City want to offload João Cancelo this summer and he's available for less than €20m. 🇵🇹
(Source: @sport) pic.twitter.com/xM8HTV1hy8
— Transfer News Live (@DeadlineDayLive) July 11, 2024
کانسێلۆ لە هاوینی 2019 بە بڕی 27.4 ملیۆن پاوەند و ناردنی دانیلۆی بەرازیل بۆ یوڤێنتوس، لە خانمە پیرەکەوە گواسترایەوە یاریگای ئیمارات بە کۆی بڕی 60 ملیۆن پاوەند کە ئەوکات بوو بە گرانترین بەرگریکاری لای راست لە مێژوودا.
