یاریگا –
دوو هەفتە پێش فیناڵی چامپیۆنزلیگی نێوان بروسیا دۆرتمۆند و ریاڵ مەدرید بوو کاتێک وێنەی نیکلاس سولێ بوو بە ترێند بەهۆی زۆربوونی کێشی و ورگیەوە، بە جۆرێک متمانەی راهێنەرەکەی لەدەستدابوو بەوەی بتوانێ سەرەکیی بەشداریی پێبکات.
یارییەکە کە 1ی یۆنیۆ بەڕێوە چوو، گومانەکان بۆ ئەوە چوون بەرگریکارە ئەڵمانییەکە دوای فیناڵەکە و لەم هاوینەدا قەڵەویی زیاتر تەنگی پێهەڵچنێت، بەوپێیە پێشتر باسی لە سیستمی خۆراکی خۆی کردبوو، نەیشاردبووە کە چ زۆرخۆرێکە بە جۆرێک هەفتەی شەش پیزا و هەشت شیش کەباب دەخوات.
وێنە: زۆرخۆری یاریزانێکی دۆرتمۆند پێش یاریی کۆتایی چامپیۆنزلیگ کێشە بۆ یانەکە دروست دەکات
بەڵام ناوبراو توانی ئاڵنگاری خۆی بکات و، تەنها لەو کاتەوە تا ئێستا 8 کیلۆی دابەزاندووە، بەوەش، وەک لە چەند وێنەیەکدا بڵاوبووەتەوە، جەستەی تا رادەیەکی زۆر گۆڕاوە وەک لەوەی پێشتر دەرکەوت.
Niklas Süle has lost 8 kilos over the summer. 🇩🇪👏 pic.twitter.com/9eR2lcubbn
— Football Tweet ⚽ (@Football__Tweet) July 11, 2024
نیکلاسی تەمەن 28 ساڵ وەرزی رابردوو لەگەڵ دۆرتمۆند 23 یاری لە بۆندزلیگا و، شەش یاریی لە چامپیۆنزلیگدا کرد.
