ڤیدیۆ | کارەساتێکی مێژوویی لەدوای یاریی ئۆرۆگوای و کۆلۆمبیا لە کۆپا ئەمریکا روویدا

یاریگا –

دوای ئەوەی لە قۆناخی پێش کۆتایی کۆپا ئەمریکا بەرامبەر کۆلۆمبیا دۆڕان و ماڵئاواییان لە پاڵەوانێتییەکە کرد، یاریزانانی ئۆرۆگوای لەگەڵ هاندەرانی کۆلۆمبیا شەڕیان کرد.

دوای یارییەکەی کۆلۆمبیا و ئۆرۆگوای لە قۆناخی پێش کۆتایی کۆپا ئەمریکا کە کۆلۆمبیا 1-0 بردنەوەی بەدەستهێنا، شەڕێکی گەورە لە نێوان یاریزانانی ئۆرۆگوای و کۆلۆمبیا روویدا، تاوەکو ئێستا

After defeat to Colombia, Uruguayan players entered the stands at Bank of America Stadium and began to throw punches. Liverpool forward Darwin Nunez amongst those at the forefront. pic.twitter.com/VE3unKObSa

— Kyle Bonn (@the_bonnfire) July 11, 2024

تاوەکو ئێستا هیچ بەیاننامەیەک و قسەیەکی فەرمی لەبارەی هۆکار و وردەکاری شەڕەکەی نێوان یاریزانانی ئۆرۆگوای و هاندەرانی کۆلۆمبیا بڵاو نەکراوەتەوە، بەڵام بەگوێرەی سەرچاوەی میدیاکانی ئۆرۆگوای و ئەمریکای لاتین، چەند هاندەرێکی کۆلۆمبیا خانەوادەی یاریزانەکانی ئۆرۆگوایان ئازار داوە و پەلاماریان داون، هەربۆیە دوای یارییەکە یاریزانانی ئۆرۆگوای هێرشیان کردە سەر هاندەرەکان.

خۆسێ ماریا خیمینێز، یاریزانی هەڵبژاردەی ئۆرۆگوای دوای یارییەکە و شەڕە لە لێدوانێکی بۆ کەناڵی فۆکس سپۆرتی ئەمریکی گوتی :’ئەمە کارەساتە، خێزانەکانمان لە مەترسیدان، ئێستا من کە قسە لەگەڵ تۆ دەکەم، ئەندامانی خێزانەکانمان لەژێر هەڕەشەدان، هاندەرەکانی کۆلۆمبیا مەست و سەرخۆشن، ماڵباتاکانمانیان هەراسان کردبوو’.

گرتەکانی شەڕەکەی داروین نونێز هێرشبەری ئۆرۆگوایی یانەی لیڤەرپوول سۆشیاڵ میدیای تەنیوە، نونێز بە توندی هێرش دەکاتە سەر هاندەرانی کۆلۆمبیا و ئەوانیش بەرپەرچی دەدەنەوە و هێرشی دەکەنە سەری، یەکێک لەو ڤیدیۆیانەی زۆر کاریگەرە، هێرشبەرە ئۆرۆگواییەکە دوای شەڕەکە منداڵەکەی لەباوە گرتووە و بردوویەتییە ناوەڕاستی یاریگا بۆ ئەوەی لە سەلامەتی خێزانەکەی دڵنیا بێتەوە.

It got crazy in the semis!! Right in my section! Hope everybody is ok pic.twitter.com/oyDQM0d9Ik

— Lloyd sam (@MrLloydSam) July 11, 2024

ئیگناسیۆ ئەلۆنسۆ سەرۆکی یەکێتیی تۆپی پێی ئۆرۆگوای لەبارەی شەڕەکەی چەند یاریزانێکی هەڵبژاردەکەی گوتی :’ئەوەی روویدا کارەسات بوو، یاریزانەکانمان کاتێک بینیان هاندەرەکان خێزانەکانیان هەراسان دەکەن و ئاویان پێدا دەکەن، کۆنتڕۆڵی خۆیان لەدەست دا، لە رووی رێکخستنەوە ئەمە کارەساتە’.

کۆنمیبۆلیش بەبێ ئەوەی هیچ هۆکا و وردەکاری شەڕەکەی دەستنیشان کردبێت، لە بەیاننامەیەکیدا بە توندی سەرکۆنەی شەڕ و ئاڵۆزییەکانی کردووە و رایگەیاندووە :’بە توندی هەر کردەوەیەکی توندوتیژی دەکەین کە کاریگەری لەسەر یاریی تۆپی پێ هەبێت’.

Darwin consoling one of his children after HE himself had to go fight Colombian fans because there was no security and bring his family to the field.#Uruguay #Colombia #CopaAmerica pic.twitter.com/lSAtaq9IbQ

— Favian Renkel (@FavianRenkel) July 11, 2024