راهێنەرێکی فەرەنسی بەناوبانگ دەبێتە راهێنەری ئیتیحاد
پێشتر مۆندیالی بردووەتەوە
یاریگا –
یانەی ئیتیحادی سعوودی لەگەڵ لۆران بلان گەیشتە رێککەوتن.
فابریزیۆ رۆمانۆ، رۆژنامەنووسی دیاری گواستنەوەکان بڵاویکردووەتەوە، بلان، راهێنەری پێشووی بۆردۆی فەڕەنسی لەگەڵ ئیتیحادی سعوودی رێککەوتووە.
لۆران بلان و ئیتیحاد لەسەر گرێبەستێکی دوو ساڵە رێککەوتن. بژاردەی درێژکردنەوەی گرێبەستەکەی بۆ ماوەی ساڵێک تێدایە.
🚨🟡⚫️ Laurent Blanc and Al Ittihad have agreed on two year contract valid until June 2026.
The agreement will also include an option to extend the deal until June 2027, one more season. pic.twitter.com/SiiXXl9wJg
— Fabrizio Romano (@FabrizioRomano) July 10, 2024
بلان پێشتر راهێنەرایەتی هەڵبژاردەی فەرەنسا و یانەکانی بۆردۆ، پاریس سانجێرمان، رەیانی قەتەڕی و لیۆن کردووە.
لۆران یەکێک بوو لەو یاریزانانەی لە مۆندیالی 1998 نازناوی مۆندیالییان وەک یاریزان لەگەڵ هەڵبژاردەی فەرەنسا بەدەستهێنا.
کەمتر لە ساڵێکە بلان بێ یانەیە، ئەمەش دوای ئەوەی لە سێپتێمبەر/ئەیلوولی ساڵی 2023 لە پۆستی راهێنەرایەتی لیۆن دوورخرایەوە.
