نەشتەرگەریی بۆ بڕبڕەی پشتی لیرۆی سانێ کرا
یاریگا –
یانەی بایرن میونشن رایگەیاندووە لیرۆی سانێ نەشتەرگەریی بۆ دەکرێت و مانگێک لە یاریکردن دادەبڕێت.
یانەی بایرن میونشنی ئەڵمانی ئاشکرایکردووە، لیرۆی سانێ یاریزانی ئەڵمانی یانەکەیان لە بڕبڕەی پشتی نەشتەرگەرییەکی سەرکەوتووی بۆ کراوە و بەمهۆیەوە 3 بۆ 4 هەفتە لە یاریکردن دادەبڕێت.
ℹ️ Nach dem Ausscheiden der deutschen Nationalmannschaft bei der EM hat sich Leroy #Sané am Montag in München einem minimal invasiven Eingriff an der Leiste unterzogen.
Gute Besserung, Leroy! 🍀
🗞️ Alle Infos: https://t.co/V6qFyMrGo3#FCBayern #MiaSanMia pic.twitter.com/tiFvTRhkSr
— FC Bayern München (@FCBayern) July 8, 2024
یانە ئەڵمانییەکە رایگەیاندووە، پێشبینی دەکرێت سانێ هاوشانی ئەو یاریزانانەی لەگەڵ هەڵبژاردەکانیان بەشداریی یارییەکانی یۆرۆیان کردووە، رۆژی 29ـی ئەم مانگە بگەڕێنەوە یانەکەیان و دەست بە مەشق و راهێنانەکانیان بکەن، بۆ خۆئامادەکردن بۆ وەرزی نوێ.
سانێ (28 ساڵان) لە یۆرۆی 2024 لەگەڵ هەڵبژاردەی ئەڵمانیا لە پێنج یاری 206 خولەک یاریی کرد، بەبێ ئەوەی هیچ گۆڵێک و ئەسیستێک بکات و لە قۆناخی چارەکی کۆتاییەوە ماڵئاواییان لە پاڵەوانێتییەکە کرد.
