یوسف نسێری ئیسپانیا جێدەهێڵێ
یاریگا –
یوسف نسێری خولی ئیسپانی جێدەهێڵێت دوای چوار ساڵ یاریکردن لە خولی ئەو وڵاتە.
هێرشبەرە مەغریبیەکە زستانی 2020 بە بڕی 20 ملیۆن یۆرۆ گواسترایەوە یانە ئەندەلووسیەکە بە گریبەستێک تا هاوینی 2025، بەڵام وا دیارە پێش کۆتایهاتنی گرێبەستەکەی، ساڵێک زووتر جێیدەهێڵێ.
بەگوێرەی زانیارییەکانی رودی گالێتی، نسێری ئۆفەرەکەی فەنەرباچێی تورکی هەڵبژاردووە و هەر دوێنێش رێککەوتنی زارەکییان کردووە لەو بارەیەوە.
🚨✅ #EnNesyri definitively chose the offer of #Fenerbahçlce, with whom he already reached a verbal agreement yesterday.
🤝 Deal finalized also with #Sevilla: the 🇲🇦 player will be in 🇹🇷 next week for medical, as @ramirezmaximodc said.
🔑 Mourinho had a key role in this talk. https://t.co/0KR3rvFUbb pic.twitter.com/jWVwfDFzIX
— Rudy Galetti (@RudyGaletti) July 6, 2024
گالێتی ئەوەیشی زانیوە کە یانە تورکیەکە بڕی 20 ملیۆن یۆرۆ دەدات بۆ قایلکردنی هاوتا ئیسپانییەکەی لە بەرانبەر تواناکانی ئەو یاریزانە 27 ساڵانە.
رۆژنامەنووسەکە رایگەیاندووە کە هەفتەی داهاتوو نسێری سەردانی تورکیا دەکات بۆ ئەنجامدانی پشکنینە پزیشکیەکانی و جۆزێ مۆرینیۆی راهێنەری نوێی یانەکە رۆڵیکی گرنگی هەبووە لە پرۆسەی گفتوگۆکاندا.
ناوبراو وەرزی رابردوو لەگەڵ یانەکەی لە 33 یاری خولی ئیسپانی توانی 16 گۆڵ تۆمار بکات لەگەڵ 2 ئەسیست.
