پەیامی رۆناڵدۆ دوای کرانەدەرەوەیان لە یۆرۆ
یاریگا –
کریستیانۆ رۆناڵدۆ پەیامی خۆی راگەیاند دوای کرانەدەرەوەیان لە یۆرۆی 2024 لە چارەکی کۆتایی.
دۆن و هاوڕێکانی دوای 120 خولەک یاریکردن لەگەڵ فەڕەنسیەکان بەبێ گۆڵ یەکسانبوون و تا بە ناچاری پەنایان بردە بەر لێدانەیەکلاکەرەوەکان و 5-3 لە بەرژەوەندی کەڵەشێرەکان کۆتایی هات.
رۆناڵدۆ کە بە درێژایی ئەم وەشانەی پاڵەوانێتیەکەی نەیتوانی هیچ بەشدارییەک لە گۆڵدا بکات، جیا لە سروشتی هەمیشەیی خۆی دوای دۆڕانە سەخت و چارەنووسسازەکان، هەندێک ئارامتر دەرکەوت. تۆزێک پێش ئێستا لە پێگە فەرمیەکانی خۆیەوە پەیامی بڵاوکردەوە و نووسی:
ئێمە زیاترمان دەویست. زیاتریشمان شایستە بوو بۆ ئێمە، بۆ هەریەک لە ئێوە و بە گشتی بۆ هەموو پۆرتوگال.
سوپازگوزارین بۆ هەمووی ئەوەی پێشکەشتانکردین، بۆ ئەوەیشی تا ئێستا بەدەستمان هێناوە.
من دڵنیام ئەم میراتە لە ناوە و دەرەوەی یاریگایش بەزردەنرخێنرێت، پێکەوەیش بەردەوام دەبین لە بونایتنانی.
ئەفسانە پۆرتوگالییەکە ئێستا تەمەنی 39 ساڵە، بۆ یەکەم جار لە یۆرۆی 2004 بەشداریی کرد و شەش وەشانە بەردەوام بوو کە رەنگە ئەوەی ئەڵمانیا دوایین جاری بێت. لە کاروانی خۆیدا توانی ببێت بە پاڵەوانی یۆرۆی 2016 لەسەر حیسابی فەڕەنسا.
Queríamos mais. Merecíamos mais. Por nós. Por cada um de vocês. Por Portugal.
Somos gratos por tudo o que vocês nos deram e por tudo que conquistámos até aqui.
Dentro e fora de campo, tenho certeza de que este legado será honrado e continuará a ser construído. Juntos. pic.twitter.com/C34YgfKLmg
— Cristiano Ronaldo (@Cristiano) July 6, 2024
