سێ یاریزانی كاريگه‌ر لە مەشقەکانی ئیسپانیا ئاماده‌نه‌بوون
یاریگا –
هه‌ڵبژارده‌ی ئیسپانیا به‌رده‌وامه له ئاماده‌كارییه‌كانی بۆ یاریی به‌رامبه‌ر هه‌ڵبژارده‌ی ئه‌ڵمانیا و سێ یاریزانی كاریگه‌ری هه‌ڵبژارده‌كه به‌شداری مه‌شقه‌كانیان نه‌كرد.
رۆژنامه‌ی ماركای ئیسپانی بڵاویكردۆته‌وه، یامین یاماڵ و نیکۆ ویلیامز و فابیان رویز لە مەشقەکانی هەڵبژاردەی ئیسپانیا ئامادەنەبوون، ئایمریک لاپۆرتیش بە راکردنێكی سووک مەشقەکانی ئەنجامدا، ئه‌مه‌ش وه‌ك ئاماده‌كارییه‌ك بۆ یارییان به‌رامبه‌ر ئه‌ڵمانیا كه بڕیاره رۆژی هه‌ینی كاتژمێر 07:00 رووبه‌رووی یه‌كترببنه‌وه.
🇪🇸 España entrena sin Nico Williams, Lamine y Fabián a tres días del partido ante Alemania
🏆 Laporte tampoco salta al césped para hacer trabajo al margen de sus compañeros 👇 https://t.co/Ky4lBpCk02
— MARCA (@marca) July 2, 2024
ئاماده‌نه‌بوونی ئەم سێ یاریزانە لە مەشقەکانی ئه‌مرۆ ترسی خستۆته دڵی هانده‌رانی هه‌ڵبژارده‌ی ئیسپانیا، به‌تایبه‌ت ئه‌م سێ یاریزانه لە سەرەتای پاڵەوانێتییەکەوە له ریزەکانی لارۆخا درەوشاوەترین بوون.
سەرچاوەکانی فیدراسیۆنی تۆپی پێی ئیسپانیا ئاماژەیان بۆ ئەوە کرد کە هیچ پێکانێک لەنێو 26 یاریزانه‌كه‌ی هه‌ڵبژارده‌ی ئیسپانیا نییە، هەروەها دی لافونتێ زۆر گرنگی بە باری جەستەیی یاریزانەکانی دەدات، به‌ڵام تاكو ئێستا هۆكاری به‌شدارینه‌كردنی ئه‌م سێ یاریزانه ئاشكرا نه‌كراوه
