رۆما بەفەرمی رۆیشتنی دوو یاریزانی راگەیاند
یاریگا –
رۆما بەفەرمی رۆیشتنی روی پاتریسیۆ و لیۆناردۆ سپینازۆلای لە ریزەكانی یانەكەی راگەیاند.
یانەی رۆما لە هەژماری فەرمی خۆی لە پلاتفۆرمی ئێكس رۆیشتنی دوو ئەستێرەی یانەكەی بە دوای یەكدا راگەیاند، سەرەتا رۆیشتنی روی پاتریسیۆ و دواتریش سپینازۆلای راگەیاند.
Grazie di tutto, Rui! 🧤💛♥️#ASRoma pic.twitter.com/naohUeMf0H
— AS Roma (@OfficialASRoma) July 2, 2024
روی پاتریسیۆ لە هاوینی 2021 لە ریزەكانی وۆلڤزەوە بە بەهای 11 ملیۆن یۆرۆ پەیوەندی بە رۆماوە كرد.
Grazie per questi anni insieme, Leo! 💛❤️#ASRoma pic.twitter.com/g0BhfDIRyU
— AS Roma (@OfficialASRoma) July 2, 2024
سپینازۆلای ئیتاڵیش لە هاوینی 2019 لە ریزەكانی یوڤێنتوسەوە بە بەهای 29 ملیۆن یۆرۆ پەیوەندی بە گورگەكانەوە كرد.
گۆڵپارێزە پۆرتوگالییەكە 129 یاری بۆ رۆما كردووە و لە 48 یاری تۆڕی گۆڵەكەی بە خاوێنی هێشتووەتەوە و 134 گۆڵیشی لێ كراوە.
بەرگریكارە ئیتاڵییەكە 151 یاری بە درێسی گورگەكانەوە كردووە و توانیویەتی حەوت گۆڵ بكات و 21 گۆڵیش درووست بكات.
