بەهۆی بچووکی تەمەنی یامال ئەمشەو راهێنەری ئیسپانیا ناچار دەبێت لە یاریگا بیهێنێتە دەرەوە؟

یاریگا –

راهێنەری ئیسپانیا رەتیدەکاتەوە لە یاریی بەرامبەر جۆرجیا بەهۆی یاسا بەرکارەکانی ئەڵمانیا، لامین یامال لە یاریگا بهێنێتە دەرەوە و تا کۆتایی یارییەکە یاریی پێنەکات.

بەگوێرەی یاسا بەرکارەکان لە ئەڵمانیا نابێت هیچ کوڕ و کچێکی ئەڵمانی یان بێگانە تەمەنی لەژێر 18 ساڵان بێت، دوای کاتژمێر 08:00ـی شەو کار بکات، بۆ ئەوەی بەلاڕێدا نەبرێن، ئەگەر هەر کەسێک سەرپێچی ئەم یاسایە بکات، رووبەڕووی سزای جۆراوجۆر دەبێتەوە، بەهۆی تایبەتمەندیی کارەکەیان، وەرزشوانان رێگایان پێدەدرێت تاوەکو کاتژمێر 11:00ـی شەو لە دەرەوە بن.

لەبەر ئەوەی لامین یامال تەمەنی 16 ساڵە و یاریی ئەمشەوی ئیسپانیا بەرامبەر جۆرجیا لە قۆناخی 16ـی یۆرۆی 2024 دەکەوێتە دوای کاتژمێر 09:00ـی شەو بە کاتی ئەڵمانیا، ئەگەر یارییەکە لەکاتی ئاسایی یەکسان بێت، ئەوا یارییەکە بۆ دوای کاتژمێر 11:00 درێژە دەکێشێت کە سەرپێچییە.

لویس دێ لافوێنتی، راهێنەری هەڵبژاردەی ئیسپانیا لەبارەی ئەگەری هێنانە دەرەوەی یامال لە نیوەی دووەم بەهۆی یاساکانی ئەڵمانیا دەڵێت :’من ئاگاداری یاساکانی ئەڵمانیا نیم، نازانم ئاخۆ دەبێت کاتژمێر 11:00 یامال لە یاریگا بهێنمە دەرەوە یان نا، بەڵام ئێمە هەموومان لە سەلامەتی ئەو بەرپرسیارین و هەموومان کاری خۆمان دەکەین و رێگای پێدەدەین یاریی بکات، لەوە زیاتر هیچی دیکەمان نییە’.

بەگوێرەی یاسا، ئەگەر یامال لەو کاتەی رێگاپێدراوە زیاتر یاریی بکات، پێشبینی دەکرێت بە پێببژاردنی 30 هەزار یۆرۆ سزا بدرێت.