دی ماریا باس لە بارودۆخی لیۆنێل مێسی دەكات
یاریگا –
ئانخێل دی ماریا، ئەستێرەی هەڵبژاردەی ئەرجەنتین و یانەی بێنفیكای پۆرتوگالی باسی بارودۆخی لیۆنێل مێسی ئەفسانەی هەڵبژاردەكەیان دەكات.
بەرەبەیانی ئەمرۆ هەڵبژاردەی ئەرجەنتین لە سێیەم یاری قۆناخی كۆمەڵەكانی كۆپا ئەمریكای 2024 رووبەڕووی پێرو بوویەوە و یارییەكەشی بە دوو گۆڵی بێ وەڵا لێ بردەوە.
تانگۆ توانی بە بردنەوەی سەرجەم یارییەكان و بە كۆكردنەوەی 9 خاڵ خۆی بگەیەنێتە قۆناخی چارەكی كۆتایی كۆپا ئەمریكا.
Another 𝐖 and a perfect group closing! 🔐✅
⚽ L. Martínez (x2)#ArgentinaNT pic.twitter.com/XTNx4PxRMd
— Selección Argentina in English (@AFASeleccionEN) June 30, 2024
لە دوای یارییەكە دی ماریا گوتی:
پێش دەستپێكردنی كۆپا ئەمریكا ئاستێكی بەرزمان پێشكەش كرد و ئێستاش بەردەوامین لەسەر ئەو ئاستە.
هەستێكی خۆشە كاپتنی تیمەكە بیت، هەوڵ دەدەم كارەكان بە باشترین شێوە بكەم و ئەنجامی ئەرێنی بەدەست بهێنم.
بارودۆخی لیۆنێل مێسی زۆر باشە و سەلامەتە.
هاتنە ناوەوەم لەگەڵ كچەكەم بۆ یارییەكە هەستێكی زۆر نایاب بوو، ئەوەی ئاواتم بۆ دەخواست ئەم ساتە وەختە بوو، چەپڵە لێدانی هاندەران وا دەكات هەست بە دڵخۆشییەكی قووڵ بكەم.
ئەرجەنتین وا بڕیارە لە قۆناخی چارەكی كۆتایی رووبەڕووی دووەمی كۆمەڵەی دووەم ببێتەوە.
