چێڵسی گرەوەکەی لە مان یونایتد بردەوە و لەگەڵ لاوە ئەرجەنتینیەکە گەیشتە رێککەوتن
یاریگا –
یانەی چێڵسی ئینگلیزی هاوینەکەی گەرمتر کردووە و گرێبەست لە دوای گرێبەست رادەگەیەنرێت بۆ ریزەکانی بلووز.
ئەمرۆ یانە لەندەنیەکە گرێبەستی عومەری کیلیمانی راگەیاند و بە فەرمی بوو بە یاریزانی چێڵسی. لەندەنییەکان بەوەشەوە نەوەستان و لەگەڵ لاوێکی ئەرجەنتینی گەیشتنە رێککەوتن.
بەگوێرەی زانیارییەکانی رودی گالێتی، چێڵسی لەگەڵ بۆکا جونیۆری گەیشتووەتە رێککەوتنی کۆتایی لەسەر ئارۆن ئانسێلمینۆ و ئەو یاریزانە 19 ساڵە دەبێت بەرگریکارێکی نوێ لە یانە لەندەنییەکە.
وەک گالێتی ئاشکرای کردووە، سێشممە و چوارشەممەی ئەم هەفتەیە پشکنینەکانی لە لەندەن بۆ ئەنجام دەدرێ. بڕی گواستنەوەی 18 ملیۆن دۆلارە. بۆ ساڵێکیتر بە خواستن لە بۆکا دەمێنێتەوە.
🚨🤝 Aaron #Anselmino will be a new #Chelsea player: full agreement reached with #BocaJuniors. ✅
🩺 Medical expected in London between Tuesday and Wednesday.
💰 Transfer fee set at $18m, with the 🇦🇷 player remaining on loan for another year at Boca. 🐓⚽ @urieliugt pic.twitter.com/yx9AuPINiW
— Rudy Galetti (@RudyGaletti) June 29, 2024
ئەوە لە کاتێکدایە پێشتر و بە گوێرەی زانیارییەکانی TyC Sports مانچێستەر یونایتد ئامادەکاری کردبوو بۆ پێشکەشکردنی ئۆفەرێک بە ئانسێلمینۆ.
