فیدراسیۆنی تۆپی پێی بەلجیکا بەهۆی ڤیدیۆیەک داوای لێبوردن لە ئێمباپێ دەکات
هەرزوو ڤیدیۆیەکەیان سڕییەوە
یاریگا –
فیدراسیۆنی تۆپی پێی بەلجیکا بەهۆی ڤیدیۆیەک کە لەبارەی ئێمباپێ بڵاویان کردبووەوە، داوای لێبوردن لە هێرشبەرەکەی فڕەنسا دەکات.
بەهۆی ئەوەی راگەیاندنی فیدراسیۆنی تۆپی پێی بەلجیکا ڤیدیۆیەکی بڵاوکردبووەوە، تیایدا ئەمادۆ ئۆنانا یاریزانی بەلجیکا هەڕەشەی ئەوە دەکات لە یاریی بەرامبەر فڕەنسا توندوتیژی لەدژی کیلیان بەکار بهێنێت، فیدراسیۆنی تۆپی پێی بەلجیکا داوای لێبوردنی لە کیلیان ئێمباپێ کرد.
🤨Oye, y esto de Onana diciendo que le va a dar a Mbappé en la tibia… ¿qué es? #Euro2024
El Bélgica-Francia viene calentito. Pero qué bueno que vuelva ya la Eurocopa 😍 pic.twitter.com/jAAr5ZZWzM
— MARCA (@marca) June 29, 2024
ئەمادۆ ئۆنانا لە ڤیدیۆیەکەدا لە وەڵامی پابلۆ ئاندرێس ئەکتەری کۆمێدی بەلجیکی و چالاکوانی سۆشیاڵ میدیا دەڵێت ‘پێلاقە لە ئێمباپێ دەدەم’، و هەردووکیان بەیەکەوە پێدەکەنن.
ستیفان ڤان لوک بەرپرسی راگەیاندنی هەڵبژاردەی بەلجیکا لە لێدوانێکی بۆ میدیای وڵاتەکەی داوای لێبوردنی لە ئێمباپێ کرد و رایگەیاند ئەو ئەکتەرە کۆمیدییە ساڵانێکی زۆرە لەگەڵ هەڵبژاردەکەیانە و ڤیدیۆیەکە تەنیا بۆ خۆشی بووە.
بەرپرسی راگەیاندنی فیدراسیۆنی تۆپی پێی بەلجیکا داوای لێبوردنی لە ئێمباپێ کرد و رایگەیاند، ئەوان توندوتیژی لەدژی هیچ یاریزانێک بەکار ناهێنن.
رۆژی دووشەممە کاتژمێر 07:00ـی ئێوارە، فڕەنسا و بەلجیکا لە قۆناخی 16ـی یۆرۆی 2024 رووبەڕوو دەبنەوە.
