عێراقکوردستان

تیروپشکی خولی لاوانی عێراق راکێشرا و هەولێر کەوتە کۆمەڵەی مەرگەوە

یارییەکان لە هەولێر و سلێمانی بەڕێوەدەچن

یاریگا-

لێژنەی پێشبڕکێکان لە یەکێتی تۆپی پێی عێراق تیروپشکی خولی لاوانی عێراق ڕاکێشا و یانەکان دابەش کران بە سەر چوار کۆمەڵەوە.

نیوەڕۆی ئەمڕۆ پێنج شەممە ( 27ـی حوزەیران/یۆنیۆی 2024) تیروپشکی قۆناخی کۆتایی خولی لاوانی عێراق راکێشرا، لەم قۆناخەدا 16 یانە دابەش کراون بەسەر چوار کۆمەڵە و بۆ هەر کۆمەڵەیەکیش چوار یانە لە خۆدەگرێت، یارییەکان بە یەک قۆناخ بەڕێوەدەچن و هەر یانەیەکیش سێ یاری دەکات، لاوانی هەولێر کەوتە کۆمەڵەیەکی قورس و بەرامبەر هەریەک لە یانەکانی قوەی جەوی و ئەمانەی بەغدا و مینا کە پاڵەوانی وەرزی رابردووە یاری دەکات.

کۆمەڵەی یەکەم ( بەحری ، نەفت ، زەوڕا ، زاخۆ )

کۆمەڵەی دووەم ( شوڕتە ، نەورۆز ، کەربەلا ، نەفتی بەسڕە )

کۆمەڵەی سێیەم ( هەولێر ، ئەمانەی بەغدا ، مینا ، قوەی جەوی )

کۆمەڵەی چوارەم ( قاسم ، نەجەف ، پێشمەرگەی سلێمانی ، حدود )

چوار یانەی کوردی بەشدارن لە خولەکە و هەر یەکەیان لە کۆمەڵەیەک یاری دەکەن، خاوەن پلەی یەکەمی هەر کۆمەڵەیەکیش راستەوخۆ سەردەکەوێت بۆ یاری پێش کۆتایی خولەکە، سەرجەم یارییەکانی هەر چوار کۆمەڵە بە شێوەی گردبوونەوە لە هەولێر و سلێمانی بەڕێوەدەچێت و هەر شارەیان میوانداری دوو کۆمەڵەی خولەکە دەکات.

بابەتی زیاتر

Back to top button