یاریگا –
چارەنووسی ئێمباپێ بۆ یاریی ئەمشەو یەکلابووەوە و بەگوێرەی سەرچاوەی میدیا فڕەنسییەکان هێرشبەرە فڕەنسییەکە لە یاریی بەرامبەر پۆڵەندا سەرەکی دەبێت.
کەناڵی RMC SPORTـی فڕەنسی ئاشکرایکردووە، کیلیان ئێمباپێ لە یاریی ئەمشەو بەرامبەر پۆڵەندا سەرەکی دەبێت، کە بەهۆی شکانی لووتی لە یاریی رابردوو بەرامبەر هۆڵەندا یاریی نەکرد، هێرشبەرە فڕەنسییەکە بە دەمامکەوە یارییەکەی ئەمشەو ئەنجام دەدات.
کەناڵە فڕەنسییەکە راشیگەیاندووە، دیدیێ دیشامپ راهێنەری هەڵبژاردەی فڕەنسا لە یارییەکەی ئەمشەو بە پلانی 4-3-3 یاریی دەکات، ئانتوان گریزمان لەسەر کورسی یەدەک دەبێت و برادلی بارکۆلا لەشوێنی ئەو لە پێکهاتەی سەرەکی لێس بلووز دەبێت و ئۆریلێن چوامینیش سەرەکی دەبێت و ئێدوارد کاماڤینگا لەسەر کورسی دەمێنێتەوە.
🇫🇷 Retour au 4-3-3, Griezmann sur le banc et Mbappé titulaire… Les dernières tendances avant France-Pologne.https://t.co/7q56zOk0U4
— RMC Sport (@RMCsport) June 25, 2024
ئەمشەو کاتژمێر 07:00 فڕەنسا و پۆڵەندا لە کۆمەڵەی چوارەم بەیەک دەگەن، کە فڕەنسا هاوشانی هۆڵەندا بە کۆکردنەوەی چوار خاڵ پێشەنگی کۆمەڵەکەیان گرتووە و هۆڵەندا بە جیاوازیی گۆڵ لەپێش فڕەنسا دێت.
