چاڵهانئۆغڵو بەیاننامەیەکی سەبارەت بە دەنگۆکان بڵاوکردەوە
یاریگا –
چەند رۆژێکە هاکان چاڵهانۆگلو بووەتە سەرباسی میدیا ئیتاڵییەکان بەوەی راستی لەگەڵ ئینتەر میلان نەوتووە و ئەو یانەیە جێدەهێڵێت.
دەنگۆیەکان باسیان لەوە دەکرد کە یاریزانە تورکەکە پێشتر بە کارگێڕی ئینتەری وتبوو لە یانەکە دەمێنێتەوە، بەڵام دواتر لە ڕێی بریکارەکەیەوە پەیوەندی لەگەڵ بایرن میونشن گرتووە بۆ چوونی بۆ ئەو یانە ئەڵمانییە.
لە لێدوانێکی نوێیدا فابریزۆ رۆمانۆیش گواستوویەتیەوە، هاکان کە ئێستا سەرکردایەتی کاپتنی هەڵبژاردەی تورکیا دەکات لە یۆرۆی 2024، وتی
من ئێستا لەڕادەبەدەر دڵخۆشم لە ئینتەر میلان. پەیوەندییم لەگەڵ هاندەران و یانەکەیش زۆر تایبەتە. بەپەرۆشم بۆ بردنەوەی نازناوی زیاتر لەگەڵ ئینتەر لە داهاتوودا.
بژی ئینتەر!
ناوەڕاستکارە 30 ساڵانەکە خۆشەویستی نێو هاندەرانی نێرازۆرییە بەتایبەت کە لە ئەیسی میلانەوە روویکردە ئینتەر لە ساڵی 2021 و کە تووڕەیی میلانیستاکانی لێکەوتەوە.
🚨 𝗢𝗙𝗙𝗜𝗖𝗜𝗔𝗟: Hakan Çalhanoğlu announces his decision to stay at Inter. pic.twitter.com/Bu1m8CdvAj
— Transfer News Live (@DeadlineDayLive) June 24, 2024
