دەنگۆکانی مێرکاتۆ؛ سیلڤا مان سیتی جێدەهێڵێت و ویڵیامس بووەتە بابەتی گەرمی گەورەکانی ئەوروپا

یاریگا –

بایرن میونشن گرنگی بە ئەستێرەیەکی مانچێستەر سیتی داوە، بۆڕووسیا دۆرتموند نزیکە لە گواستنەوەی یاریسازێکی برایتن و ئارسیناڵ و چێڵسی داوای گەوهەرە نوێیەکەی ئیسپانیا دەکەن…

بایرن میونشن گرنگی بە گواستنەوەی بێرناردۆ سیلڤا، یاریزانی مانچێستەر سیتی داوە، مەرجی هەڵوەشاندنەوەی گرێبەستەکەی 50 ملیۆن پاوەندە – ستار

بۆڕووسیا دۆرتموند زۆر نزیکە لە گواستنەوەی پاسکال گڕۆس، یاریزانی برایتن – سکای دۆچلاند

میکێل ئارتێتا، راهێنەری ئارسیناڵ بڕیاریداوە هەموو هەوڵێک بۆ گواستنەوەی نیکۆ ویڵیامس، ئەستێرەی ئاتلێتیک بیلباو دەدات – ئێکسپرێس

مانچێستەر یونایتد ئامادەیە 55 ملیۆن یۆرۆ بۆ گواستنەوەی ئامادۆ ئۆنانا، یاریزانی ئێڤەرتن خەرج بکات – موندۆ دێپۆرتیڤۆ

یانەکانی چێڵسی و پاریس سانجێرمانیش چاویان بڕیووەتە ویڵیامس – تیم تۆک

مانچێستەر یونایتد و لیڤەرپوول ئۆفەری فەرمییان پێشکەشی لیل کردووە، تاوەکو لێنی یۆرۆ بگوازنەوە، بەڵام یاریزانە فەڕەنسییەکە ریال مەدریدی دەوێت – مارکا

رود ڤان نیستێلڕۆی دەبێتە ئەندامی نوێی ستافی راهێنەرانی مانچێستەر یونایتد لەگەڵ ئێریک تێن هاخ – فابریزیۆ رۆمانۆ

نیوکاسڵ یونایتد پلانی دەستبەرداربوونی لە کاڵوم ویڵسن داڕێشتووە، ئەمەش ئەگەر بتوانن دۆمینیک کالڤێرت-لێوین، هێرشبەری ئێڤەرتن بگوازنەوە – فووتبۆڵ ئینسایدەر

لیۆن چووەتە نێو رکابەرییەکانی گواستنەوەی یانکوبا مێنتێ، یاریزانی نیوکاسڵ یونایتد –فابریزیۆ رۆمانۆ

نۆتینگهام فۆڕێست گفتوگۆکانی لەگەڵ ئاستۆن ڤیلا لەبارەی گواستنەوەی لامار بۆگارد دەستپێکردووە – فووتبۆڵ ئینسایدەر