پریڤیوی یاری; ئەڵمانیا – سویسرا لە قۆناخی كۆمەڵەكانی یۆرۆ
یاریگا –
ئەمڕۆ هەردوو هەڵبژاردەی ئەڵمانیا و سویسرا سێیەم و كۆتا یاری خۆیان لە قۆناخی كۆمەڵەكانی یۆرۆی 2024 ئەنجام دەدەن.
وا بڕیارە ئەمڕۆ یەكشەممە كاتژمێر 22:00 بە كاتی كوردستان هەڵبژاردەی ئەڵمانیا و هەڵبژاردەی سویسرا رووبەڕووی یەك ببنەوە، لە میانی یارییەكانی گەڕی سێیەم و كۆتایی قۆناخی كۆمەڵەكانی یۆرۆی 2024.
ئەڵمانیا بە كۆكردنەوەی شەش خاڵ لە پێشەنگی ریزبەندی كۆمەڵەی یەكەم و سویسراش بە چوار خاڵ لە ریزبەندی دووەمی كۆمەڵەی یەكەم دێت.
Geh’n wir’s zusammen an! 🖤❤️💛
⚽ 21:00 Uhr 📺 ARD + Magenta TV#dfbteam #euro2024 #suiger pic.twitter.com/jzU4qHjlAy
— DFB-Team (@DFB_Team) June 23, 2024
دوایین هەواڵی پێكانی هەردوو هەڵبژاردە:
ناگلسمان راهێنەری هەڵبژاردەی ئەڵمانیا رایگەیاند هیچ پلانێكی بۆ گۆڕینی پێكهاتەكەی نییە و دەیەوێت بە پێكهاتەی سەرەكییەوە بەرامبەر سویسرا یاری بكات، سەرەڕای سەركەوتنیان بە قۆناخی داهاتوو.
مورات یاكینی راهێنەری هەڵبژاردەی سویسراش رایگەیاند تەواوی یاریزانەكانی ئامادەن و هیچ پێكانێكیان نیە.
Matchday 3 is here 🤗
👀 What will happen in the final Group A games?@bookingcom | #EUROfixtures pic.twitter.com/gnfxmiLOFx
— UEFA EURO 2024 (@EURO2024) June 23, 2024
مێژووی رووبەرووبوونەوەی نێوان ئەڵمانیا و سویسرا:
هەردوو هەڵبژاردە پێشتر بە یارییە فەرمی و دۆستانەكانەوە 53 جار رووبەڕووی یەك بوونەتەوە، لە 36 یاری ئەڵمانیا براوە بووە و لە نۆ یاریش سویسرا، هەشت یاریش یەكسان بوون.
ئەڵمانییەكان 142 گۆڵییان كردووە و سویسرییەكانیش 69 گۆڵ.
How will Group A finish? 🍿#EURO2024 pic.twitter.com/k37CAP5bXU
— UEFA EURO 2024 (@EURO2024) June 23, 2024
لێدوانی جولیان ناگلسمان پێش رووبەرووبوونەوەی سویسرا:
یارییەكی سەرنجڕاكێش دەبێت و ئێمە دەمانەوێت بردنەوە بەدەستبهێنین، سویسرا باشترین ركابەرە كە لە قۆناخی كۆمەڵەكاندا رووبەروویان دەبینەوە.
لێدوانی مورات یاكین پێش رووبەرووبوونەوەی ئەڵمانیا:
لە دوو یاری سەرەتادا ئەنجامی باشمان بەدەستهێنا، ئێستاش لێرەین و لە دۆخێكی باشداین، دەمانەوێت كاتێكی سەخت بە ئەڵمانیا بدەین.
پێكهاتەی پێشبینیكراوی سویسرا:
گۆڵپارێز: یان سۆمەر
هێڵی بەرگری: فابیان شار،مانوێل ئاكانجی، ریكاردۆ رۆدریگێز
هێڵی ناوەند: ڤیدمێر، فڕێولەر، گرانیت شاكا، ئایبیشەر
هێڵی هێرشبردن: دان ندۆی، برێل ئێمبۆلۆ، روبن ڤارگاس
پێكهاتەی پێشبینیكراوی ئەڵمانیا:
گۆڵپارێز: مانوێل نۆیەر
هێڵی بەرگری: میتوڵشتێت، جۆناسان تا، رودیگەر، كیمیچ
هێڵی ناوەند: تۆنی كروس، ئاندریخ، گوندۆگان
هێڵی هێرشبردن: فیرتز، فولكروگ، موسیالا
