یاریگا –
ئێمریك لاپۆرت، بەرگریكاری ئیسپانی یانەی نەسری سعودی وەڵامی دەنگۆیەكان دەربارەی داهاتووی دەداتەوە.
لە گواستنەوەكانی هاوینی ساڵی 2023 ئێمریك لاپۆرت بە بەهای 27 ملیۆن یۆرۆ پەیوەندی بە نەسری سعودیەوە كرد.
گرێبەستەكەی لاپۆرتی تەمەن 30 ساڵان لەگەل نەسر لە هاوینی ساڵی 2026 بەسەردەچێت.
ناوی لاپۆرت لە لایەن رۆژنامەكانەوە بە رۆیشتن لە ریزەكانی نەسر و گەڕانەوە بۆ ئەوروپا بەستراوەتەوە.
Una nueva victoria importante y la puerta de los octavos que se abre. Feliz de empezar la competición de la mejor manera. Vamos! 🔥 pic.twitter.com/EnATmWEoad
— Aymeric Laporte (@Laporte) June 20, 2024
لە لێدوانەكانیدا كە رۆژنامەی ریازیەی سعودی بڵاویكردووەتەوە لاپۆرت سەرجەم ئەو دەنگۆیانەی رەتكردەوە و گوتی:
بۆ ماوەی سێ وەرز گرێبەستم لەگەڵ نەسر واژۆ كردووە، پابەندیشم بە گرێبەستەكەم لەگەڵ یانەكەم، هیچ لێدوانێك لەسەر هیچ قسە و دەنگۆیەك نادەم.
وەرزی رابردوو لاپۆرت لەگەڵ نەسر 40 یاری كرد و توانی چوار گۆڵ بكات و گۆڵێكیش درووست بكات.
