کاتی بەڕێوەچوونی یارییەکانی پێش کۆتایی جامی عێراق ئاشکرا کرا
یاریگا-
وادەی بەڕێوەچوونی یارییەکانی پێش کۆتایی جامی عێراق ئاشکرا کرا و چەند یانەیەکیش لەو کاتەدا گورزی کوشندەیان بەردەکەوێت.
کەمێک لە مەوبەر میدیا عێراقیەکان ئەوەیان ئاشکرا کرد کە یارییەکانی پێش کۆتایی جامی عێراق لە ناوەڕاستی مانگی داهاتوو بەڕێوەدەچێت، هەر دوو یاریەکەش لە شاری بەغدا دەبێت و یاری یەکەم شوڕتە و نەفت بەرامبەر یەکتر یاری دەکەن و لە یاری دووەمیشدا لە کلاسیکۆی عێراق زەوڕا و قوەی جەوی رووبەرووی یەکتر دەبنەوە، یارییەکان بە کرانە دەرەوەی یەک دۆڕاو دەکرێت و براوەیان راستەوخۆ دەگاتە یاری کۆتایی جامی عێراق.
لە ئێستاوە یانەکانی شوڕتە و قوەی جەوی و زەوڕا بە دیاریکردنی ئەم کاتە ناڕازین، چونکە لە ناوەڕاستی مانگی داهاتوو هەڵبژاردەی عێراق بۆ ژێر 23 ساڵان ئۆردوگایەکی مەشقی لە شاری بۆردۆی فەرەنسی دەکاتەوە بە مەبەستی ئامادەکاری بۆ یارییەکانی ئۆڵۆمپیادی پاریس، بە مەش گورزێکی کوشندە بەر ئەم سێ یانەیە دەکەوێت تایبەت ئەگەر لە پێکهاتەی کۆتایی هەڵبژاردەی ئۆڵۆمپی عێراق ناوی یاریزانەکانیان لە لیستەکە دابێت.
وەرزی رابردوو یانەی قوەی جەوی بووە پاڵەوانی جامی عێراق دوای ئەوەی لە یاری کۆتاییدا بە ئەنجامی 1 _ 0 لە هەولێری بردەوە.
