یاریگا –
لە كاتی یارییەكەی نێوان ئیسپانیا و ئیتاڵیا چەند چەكدارێك دەچنە ماڵی رۆبێرتۆ باجیۆ ئەستێرەی پێشووی هەڵبژاردەی ئیتاڵیا.
شەوی رابردوو هەردوو هەڵبژاردەی ئیسپانیا و ئیتاڵیا رووبەرووی یەك بوونەوە و یارییەكە بە گۆڵێكی بێ وەڵام لە بەرژەوەندی ئیسپانییەكان كۆتایی هات، لە میانی یارییەكانی گەڕی دووەمی قۆناخی كۆمەڵەكانی یۆرۆی 2024.
Baggio, rapina in villa durante Italia-Spagna. L’ex calciatore colpito in testa con il calcio di una pistola https://t.co/zUnqoHR6Q1
— Repubblica (@repubblica) June 21, 2024
بەگوێرەی زانیارییەكانی سەرچاوە ئیتاڵییەكان، لە كاتی یارییەكەی ئیتاڵیا و ئیسپانیا چەند چەكداڕرێك هەڵدەكوتنە سەر ماڵی رۆبێرتۆ باجیۆ.
باندێكی دزیكردن كە لە پێنج كەس پێكهاتوون چوونەتە سەر ماڵی باجیۆ، ئەفسانەكەی پێشووی ئیتاڵییەكان هەوڵی بەرەنگاربوونەوەی دزەكانی داوە، بەڵام لێیان داوە و برینێكی قوڵیان لە سەریدا جێهێشتووە، دوای رۆیشتنیان دەستبەجێ پەیوەندی بە پۆلیسەوە كردووە.
سەرچاوەكان ئاشكرایانكردووە، تا ئێستا دیار نییە كە دزەكان چەند زیانیان بە ماڵەكەی باجیۆ گەیاندووە.
باجیۆ بە درێسی هەڵبژاردەی ئیتاڵیا 56 یاڕی كردووە و توانیویەتی 27 گۆڵ بكات و 14 گۆڵیش درووست بكات.
