كریستاڵ پاڵاس هێرشبەرێكی سێریا ئەی گواستەوە
یاریگا –
یانەی كریستاڵ پاڵاسی ئینگلیزی دایچی كامادای ژاپۆنی و یاریزانی یانەی لازیۆی ئیتاڵی گواستەوە ریزەكانی یانەكەی.
كامادا لە هاوینی 2023 لە ئینتراخت فرانكفۆرتەوە پەیوەندی بە لازیۆوە كرد.
🚨🔵🔴 Understand Daichi Kamada has signed his contract as new Crystal Palace player, two year deal.
Medical also completed, here we go confirmed for free-agent signing. 🇯🇵
The announcement from #CPFC is currently planned for the beginning of July. pic.twitter.com/MpMiXwRisg
— Fabrizio Romano (@FabrizioRomano) June 19, 2024
فابریزیۆ رۆمانۆ، رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی لە پلاتفۆرمی ئێكس ئاشكرایكرد، دایچی كامادا گرێبەستەكەی وەك یاریزانی نوێی كریستاڵ پاڵاس واژۆكرد.
ئاماژەی بەوەشكردووە، گرێبەستەگەی كامادا لەگەڵ تیمەكەی ئۆلیڤیێ گلاسنەر بۆ ماوەی دوو ساڵ دەبێت.
بە گوێرەی زانیاریەكانی رۆمانۆ، دایچی كامادا پشكنینە پزیشكیەكانیشی لەگەڵ یانە نوێیەكەی كۆتایی پێهێناوە و چاوەڕوان دەكرێت لە سەرەتایی مانگی تەمموز گرێبەستەكە بە فەرمی رابگەیەندرێت.
لە دوای شادی ریاز دایچی كامادا دووەم گرێبەستی ئۆلیڤیێ گلاسنەری راهێنەری كریستاڵ پاڵاسە.
وەرزی رابردوو كامادا لەگەڵ لازیۆ 38 یاری كرد و توانی دوو گۆڵ بكات و دوو گۆڵیش درووست بكات.
