پریڤیوی یاری; ئەڵمانیا – هەنگاریا لە قۆناخی كۆمەڵەكانی یۆرۆ
یاریگا –
ئەمڕۆ یارییەكانی گەڕی دووەمی قۆناخی كۆمەڵەكانی یۆرۆی 2024 دەست پێ دەكات.
وا بڕیارە ئەمڕۆ چوارشەممە كاتژمێر 19:00 ئەڵمانیا و هەنگاریا لە یاریگای مێرسیدس بێنز ئارێنا رووبەرووی یەك ببنەوە، لە میانی یارییەكانی گەڕی دووەمی قۆناخی كۆمەڵەكانی یۆرۆی 2024.
📍 Stuttgart 👋#dfbteam #euro2024
📸 DFB/Philipp Reinhard pic.twitter.com/UjDU7UIsfH— DFB-Team (@DFB_Team) June 18, 2024
ئەڵمانیا یاری یەكەم بەرامبەر سكۆتلاند بردنەوەیەكی گەورەی بەدەستهێنا و بە پێنج گۆڵ بەرامبەر گۆڵێك یارییەكەی لێبردەوە.
هەنگاریاش لە یەكەم یاری خۆیدا بەرامبەر سویسرا بە سێ گۆڵ بەرامبەر گۆڵێك شكستیهێنا.
مانشافت بە كۆكردنەوەی سێ خاڵ و بە جیاوازی گۆڵ لە ریزبەندی یەكەمی كۆمەڵەی یەكەم دێت و هەنگاریاش بە بێ هیچ خاڵێك لە ریزبەندی سێیەم دێت.
🇭🇺 Will Hungary find a way back into the match?#EURO2024 | #HUNSUI pic.twitter.com/xeQ9vEheEs
— UEFA EURO 2024 (@EURO2024) June 15, 2024
دوایین هەواڵی پێكانی هەردوو هەڵبژاردە:
تۆماس مولەر لە یاری بەرامبەر سكۆتلاند ئازاری پێگەیشت بەڵام جولیان ناگلسمان دەڵێت هیچ نیگەرانییەك نییە و پێكهاتەی تەواوی لەبەردەستدایە.
هیچ پێكانێكی نوێ لە ریزەكانی هەڵبژاردەی هەنگاریادا نییە.
مێژووی رووبەرووبوونەوەی نێوان ئەڵمانیا و هەنگاریا:
پێشتر هەردوو هەڵبژاردە 37 جار رووبەڕووی یەك بوونەتەوە، ئەڵمانیا لە 13 یاری براوە بووە و هەنگاریاش لە 12 یاری و لە 12 یەكسان بوون.
ئەڵمانییەكان 74 گۆڵیان كردووە و هەنگاریاش 68 گۆڵ.
لێدوانی جولیان ناگلسمان پێش یارییەكەیان بەرامبەر هەنگاریا:
هەنگاریا ئەو تیمەیە كە زۆر بە باشی یاری دەكەن، هیوادارم هاوشێوەی یارییەكەی بەرامبەر سكۆتلاند یاری بكەین، یاریزانەکانم ئامادە کردووە و هیوادارم هەموو شتێك بخەینە ناو یاریگا.
لێدوانی ماركۆ رۆسی راهێنەری هەنگاریا پێش یارییەكەیان بەرامبەر ئەڵمانیا:
هەموو هەوڵێك دەدەین، دەزانین ئەڵمانیا لە ئێمە باشترە، ئەمە دەڵێین و پێووێست ناكات كەس توڕە بێت، دەتوانێت پاڵنەرێكمان بۆ درووست بكات، هەمووان دەبێت %100ی خۆیان بەرامبەر ئەڵمانیا پێشكەش بكەن.
پێكهاتەی پێشبینیكراوی ئەڵمانیا:
گۆڵپارێز: نۆیەر
هێڵی بەرگری: كیمیچ، رودیگەر، جۆناسان تا ، میتوڵشتیت
هێڵی ناوەند: ئاندریخ، كروس، موسیالا
هێڵی ناوەند: گوندۆگان، فیرتز، هاڤێرتز
پێكهاتەی پێشبینیكراوی هەنگاریا:
گۆڵپارێز: گولاچی
هێڵی بەرگری: لونگ، ئوربان، سزالا
هێڵی ناوەند: بۆلا،ئادەم، شافەر، كیركز
هێڵی هێرشبردن: شاوڵۆی، سۆبۆسلای، ڤارگا
